104 سالہ خاتون کی کامیاب سکائی ڈائیونگ

104 سالہ امریکی خاتون نے اس ضعیف العمری میں کامیاب اسکائی ڈائیونگ سے سب کو پیچھے چھوڑدیا۔ امریکہ سے تعلق رکھنے والی معمرڈورتھی ہافنز نے بلندی سے پیراشوٹ کے ذریعے چھلانگ لگا کر اپنا نام اب گنیز بک آف ورلڈ ریکارڈ میں درج کروا لیا۔

غیر ملکی خبر رساں ایجنسی کے مطابق واکر کے سہارے چلنے والی  ہافنر نے شمالی الینوئے میں انسٹرکٹر کی مدد سے کامیابی سے اسکائی ڈائیو کیا۔

انہوں نے شکاگو سے تقریبا 85 میل (140 کلومیٹر) جنوب مغرب میں واقع اوٹاوا کے اسکائی ڈائیو شکاگو میں زمین کو چھونے کے بعد ڈوروتھی ہوفنر نے پرجوش ہجوم سے کہا، ’ایج اِز جسٹ آ نمبر۔

اس سے پہلےسویڈن سے تعلق رکھنے والی 103 سالہ لینیا انگیگرڈ لارسن نے مئی 2022 میں عمر رسیدہ اسکائی ڈائیور کا اعزاز حاصل کیا تھا، ان کا نام گنیزبک آف ورلڈ ریکارڈ میں موجود ہے۔

ہوفنر نے پہلی بار 100 سال کی عمر میں اسکائی ڈائیونگ کی تھی۔ انہوں نے اپنے واکر کو جہاز سے کچھ ہی فاصلے پر چھوڑا تھا۔

جیسے ہی وہ زمین پر پہینچیں انکےدوست انھیں مبارک باد دینے کے لیے دوڑ پڑے، جبکہ ان میں سے ایک ہوفنر کا ریڈ واکر لے کر آیا۔ جس سے وہ اسوسی ایشن تک آئیں تھیں ان سے پوچھا گیا کہ زمین پر واپس آکر کیسا محسوس ہوا۔

ڈوروتھی ہافنر کا کہنا تھا کہ، یہ سب کچھ بہت شاندار اورحیرت انگیز تھا، اس سے بہتر نہیں ہو سکتا تھا۔