گزشتہ 24 گھنٹوں کے دوران ڈینگی کے 155 نئے کیسزرپورٹ

لاہور: پنجاب میں گزشتہ 24 گھنٹوں کے دوران ڈینگی کے 155 نئے کیسز کی تصدیق ہوئی ہے۔ 

تفصیلات کے مطابق سیکرٹری صحت علی جان خان کے مطابق رواں سال پنجاب کے 36 اضلاع میں ڈینگی کے 4 ہزار 831 تصدیق شدہ کیسز سامنے آئے ہیں جن میں سے صرف لاہور سے ڈینگی کے 1 ہزار 907 تصدیق شدہ کیسز رپورٹ ہوئے ہیں۔

انہوں نے بتایا کہ گزشتہ روز لاہور میں ڈینگی کے 58، راولپنڈی میں 50، گوجرانوالہ میں 17، ملتان میں 15، فیصل آباد میں تین، اٹک اور چکوال میں دو، دو جبکہ شیخوپورہ، سیالکوٹ، رحیم یار خان میں ایک ایک کیس سامنے آیا۔ چنیوٹ اور اوکاڑہ نے اطلاع دی۔سیکرٹری صحت کے مطابق پنجاب بھر کے ہسپتالوں میں اس وقت ڈینگی کے 188 مریض زیر علاج ہیں جبکہ لاہور کے ہسپتالوں میں اس وقت ڈینگی کے 69 مریض زیر علاج ہیں۔