منی لانڈرنگ کیسز ، حکومت کا پرائیویٹ سیکٹر سے خدمات لینے کا فیصلہ

تفصیلات کے مطابق  ایف اے ٹی ایف کی باقی 3 شرائط کو پورا کرنے کی کوشش،  حکومت نے منی لانڈرنگ کیسز چلانے کے لیے پرائیویٹ سیکٹر سے خدمات لینے کا فیصلہ کرلیا ۔پرائیویٹ ملکی اور غیر ملکی ایجنسیوں اور قانونی ماہرین کی خدمات بھی لی جائیں گی۔

ایکسپورٹ ،امپورٹ اور بیرون ملک پاکستانیوں کی ترسیلات تخریبی فنانس میں استعمال ہونے  پر مقدمات قائم کیے جائیں گے۔ مقدمات چلانے کے لیے قانونی ماہرین کے علاوہ  متعلقہ محکموں کے افسران کی خدمات بھی لی جائیں گی۔

کیسوں کو چلانے کے لیے ایک مرکزی اثاثہ ریکوری آفس بنایا جائے گا۔اینٹی نارکوٹکس فورس ،کسٹم،آئی آر ایس،ایف آئی اے اور نیب کے افسران کو تعینات کیا جائے گا۔ضبط شدہ مال کی نگرانی کے لیے الگ سے عملہ متعین کیا جائے گا۔

نیب اور ایف آئی اے کی رہنمائی کے لیے لاآفیسرز مقرر کیے جائیں گے۔ پراپرٹی کی قیمتوں کے تعین کے لیے مارکیٹ سے ایجنسیوں کی خدمات بھی لی جائیں گی۔ پاکستان ایف اے ٹی ایف کو آئندہ ماہ رپورٹ کرے گا۔