نوازشریف کی تقریر نے بتادیا کہ وہ ماضی کی تلخیاں نہیں بھولے، بیرسٹر سیف

پاکستان تحریک انصاف کے رہنما بیرسٹر محمد علی سیف نے مسلم لیگ ن کے جلسے پر ردعمل کا اظہار کرتے ہوئے کہا ہے کہ نوازشریف کی تقریر نے بتادیا کہ وہ ماضی کی تلخیاں نہیں بھولے، نواز شریف کا بیانیہ ابھی تک ماضی کے مزار پر استوار ہے۔

بیرسٹر سیف نے کہا کہ نواز شریف کی تقریر نے بتا دیا کہ وہ ماضی کی تلخیاں نہیں بھولے، ایک طرف نواز شریف نے کہا کہ “نام نہیں لوں گا” لیکن پھر بھی بہت سے نام لے لیے، انتقام نہ لینے کا کہہ کر بہت کچھ کہہ بھی گئے، ان کی انتقام کی آگ ابھی تک سرد نہیں ہوئی۔

ان کا کہنا تھا ک پوران خاندان کئی بار اقتدار کرنے کے بعد پھر سے قوم کو لوٹنے کےلئے تکل پڑا ہے۔ ان کا جلسہ ٹھس تھا بریانی پر اتنے ہی لوگ اکٹھے کئے جا سکتے تھے۔جتنے افراد ن لیگ کے جلسے میں گئے اتنے تو ہم ایک حلقے سے جمع کر لیتے ہیں۔ قوم کو اداکاروں کی بجائے با کرداروں کی ضرورت ہے۔