پی آئی اے کو ایندھن کے بدترین بحران کا سامنا، مزید 27 پروازیں منسوخ

کراچی: پاکستان انٹرنیشنل ایئرلائن (پی آئی اے) میں ایندھن کی فراہمی کا بدترین بحران جاری ہے کیونکہ آج مزید 27 پروازیں منسوخ کردی گئی ہیں۔

تفصیلات کے مطابق کراچی سے لاہور، رحیم یار خان اور پشاور جانے والی پی آئی اے کی 7 پروازیں منسوخ کر دی گئی ہیں جبکہ کراچی سے ملتان، دبئی اور اسلام آباد جانے والی 6 پروازیں منسوخ کر دی گئی ہیں۔

ملتان سے جدہ اور القسیم کی دو پروازیں بھی منسوخ کر دی گئی ہیں جبکہ لاہور شارجہ، دبئی اور جدہ لاہور جانے والی چار پروازیں بھی منسوخ کر دی گئی ہیں۔

اسلام آباد سے دبئی، دمام، مدینہ اور جدہ جانے والی چار پروازیں منسوخ کر دی گئی ہیں۔

اسی طرح اسلام آباد سے ابوظہبی اور کوئٹہ جانے والی تین پروازیں بھی منسوخ کر دی گئیں جبکہ دبئی سے پشاور جانے والی پرواز کو بھی بند کر دیا گیا۔

واضح رہے کہ گزشتہ روز بھی ملک بھر سے 20 سے زائد پروازیں منسوخ کی گئی تھیں۔