یہ جو نیلسن میڈیلاآئیں ہے ،پہلے اپنے بھائی سے مہنگائی کا حساب لیں، چوہدری پرویز الہیٰ

سابق وزیراعلیٰ پنجاب چودھری پرویزالہٰی کا کہنا ہے یہ جو نیلسن منڈیلا آیا ہے، یہ پہلے اپنے بھائی سے مہنگائی کا حساب لے، انہیں الیکشن میں پتہ چلے گا۔

سابق وزیر اعلیٰ پنجاب و صدر پاکستان تحریک انصاف چودھری پرویز الٰہی نے احتساب عدالت میں میڈیا سے غیررسمی گفتگو کرتے ہوئےکہا کہ یہ جو نیلسن منڈیلا آئے ہیں،پہلے اپنے بھائی سے مہنگائی کا حساب لیں،لوگوں سے ساتھ اتنی زیادتی ہوئی ہے کہ لوگ خودکشیاں کرنے پرمجبور ہیں، گیس اور بجلی کے بل لوگ ادا کرنے سے قاصر ہیں،

یہ جو نیلسن منڈیلا آیا ہے، یہ پہلے اپنے بھائی سے مہنگائی کا حساب لے، انہیں الیکشن میں پتہ چلے گا، چوہدری پرویز الہی
pic.twitter.com/2fOZQ5uiMe

— PTI (@PTIofficial) October 24, 2023

چودھری پرویز الٰہی نےمزید کہا کہ لوگوں کی نوکریاں ختم ہو گئیں،اساتذہ کو بھی انہوں نے مارنا شروع کر دیا ہے،جو یہ کر رہے ہیں اسکا حساب الیکشن میں دینا پڑے گا۔سپریم کورٹ کا انتخابات کیس سے متعلق بنچ بننا ملک کیلئے بہتر ہے،سپریم کورٹ کی وجہ سے انتخابات کی تاریخ آ جائے گی.

پرویز الٰہی نے مزید کہاکہ شریفوں کی انتخابات میں دھاندلی کرنا بھول ہے،کوئی انتخابات میں دھاندلی کرنے کا سوچ بھی نہیں سکتا،چیئرمین پی ٹی آئی کی سیاسی شہرت میں اضافہ ہوا ہے،شریف برادران کو کوئی نہیں سنے گا، ان کی دکان بند ہو چکی ہے۔