عالمی سطح پر تیل کی قیمتوں میں اضافے کے بعد پاکستان میں پیٹرول مہنگا ہونے کا امکان ہے

اسلام آباد: مشرق وسطیٰ میں بڑھتی ہوئی کشیدگی کے باعث عالمی منڈی میں تیل کی قیمتوں میں مجموعی طور پر اضافہ دیکھا جارہا ہے۔

عالمی منڈی میں تیل کی قیمتوں میں اضافے کے بعد پاکستان میں بھی پیٹرول کی قیمتوں میں معمولی اضافہ متوقع ہے، میڈیا رپورٹس کے مطابق یکم نومبر سے پیٹرول کی قیمت میں 3 روپے 55 پیسے فی لیٹر اضافے کا امکان ہے، جبکہ ڈیزل کی قیمت میں بھی معمولی اضافہ ہوگا۔

غور طلب ہے کہ بین الاقوامی مارکیٹ میں پیٹرول اور ڈیزل کی قیمتوں میں بالترتیب 3.14 ڈالر اور 1.14 ڈالر فی بیرل کا اضافہ ہوا ہے۔

اس سے قبل نگراں حکومت نے عالمی سطح پر تیل کی قیمتوں میں کمی اور امریکی ڈالر کے مقابلے پاکستانی روپے کی مضبوطی کے پیش نظر پیٹرول کی قیمت میں 40 روپے فی لیٹر کمی کی تھی۔

تاہم مشرق وسطیٰ میں کشیدگی کے باعث عالمی منڈی میں تیل کی قیمتوں میں مسلسل اضافہ ہورہا ہے۔