اسرائیلی جارحیت جاری ،فضائی حملے میں مزید 17 فلسطینی شہید

مقبوضہ مغربی کنارے کے علاقے خان یونس پرگزشتہ شب اسرائیل کے مسلسل فضائی حملوں میں کم ازکم کم سترہ فلسطینی شہید ہوگئے جبکہ درجنوں کے ملبے تلے دبے ہونے کا خدشہ ہے ۔

اسرائیلی فوج نے مقبوضہ مغربی کنارے میں ساٹھ سے زائد افراد کو گرفتار بھی کیا۔

ادھر ترکی کے صدر طیب اردگان نے غزہ میں جاری قتل عام پر یورپی ملکوں کی خاموشی پرشدید تنقید کی ہے ۔

انہوں نے کہا غزہ پر اسرائیلی حملے قتل عام کی سطح پر پہنچ چکے ہیں اور اس پر عالمی برادری کی خاموشی انسانیت کی تذلیل ہے ۔

انہوں نے پوپ فرانسز سے ٹیلی فون پر اسرائیل ، حماس جنگ کے حوالے سے تبادلہ خیال کیا اورکہاکہ غزہ میں بے گناہ شہریوں کو بلا تعطل امداد کی فراہمی کیلئے ہرشخص کو کوششوں کی حمایت کرنا چاہیے ۔