اسرائیل نے خوراک کے بعد غزہ میں انٹر نیٹ سروس بھی معطل کر دی

اسرائیلی حکام نے غزہ میں جاری بمباری اور زمینی حملے کے بڑھتے ہوئے خطرات کے پیش نظر انٹرنیٹ اور ٹیلی فون سروس معطل کر دی ہے۔

متعدد بین الاقوامی میڈیا کے نمائندوں اور امدادی اداروں کا مواصلاتی رابطہ منقطع ہونے کی وجہ سے غزہ میں اپنے عملے سے کوئی رابطہ نہیں ہے۔

انسانی امداد کے ادارے ''سیو دی چلڈرن ''کے مطابق دس لاکھ سے زائد فلسطینی بچوں کی زندگیاں خطرے میں ہیں اور ان کے والدین بھی محصور علاقے میں خطرے سے دوچار ہیں۔

سات اکتوبر سے جاری اسرائیل کے حملوں میں اب تک کم سے کم سات ہزار تین سو چھبیس فلسطینی شہید ہو چکے ہیں۔