مقدمات درج کرتے کرتے تھک جائیں گے لیکن پریس کانفرنس نہیں کروا سکیں گے، یاسمین راشد

لاہور کی انسداددہشت گردی عدالت میں ڈاکٹر یاسمین راشد کو پیش کیاگیا۔ جہاں ڈاکٹر یاسمین راشد نے صحافیوں سے غیر رسمی گفتگو کرتے ہوئے کہا کہ یہ مقدمات درج کرتے کرتے تھک جائیں گے لیکن پریس کانفرنس نہیں کروا سکیں گے۔

ڈاکٹر یاسمین راشد کا کہنا تھا کہ جھوٹے مقدمات جلد ردی کی ٹوکری میں ہوں گے اور ہم جیل میں رہ کر ان کا بھرپور مقابلہ کریں گے، مجھے مزید 11 مقدمات میں نامزد کردیا گیا ہے،یہ مقدمات درج کرتے کرتے تھک جائیں گے لیکن ہم سے پریس کانفرنس نہیں کروا سکیں گے۔

”مقدمات درج کرتے کرتے تھک جائیں گے لیکن پریس کانفرنس نہیں کرا سکیں گے، جھوٹے مقدمات جلد ردی کی ٹوکری میں ہوں گے، جیل میں رہ کر ان کا بھرپور مقابلہ کریں گے، نواز شریف سے عوام کی عدالت میں مقابلہ ہو گا”ڈاکٹر یاسمین راشد کی صحافیوں سے غیر رسمی گفتگو pic.twitter.com/Oq6vfCcRTE

— PTI (@PTIofficial) October 30, 2023

ڈاکٹر یاسمین راشد نے کہا کہ اگر لیول پلینگ فیلڈ ہوتی تو دونوں امیدوار جیل سے باہر ہوتے،نواز شریف سے عوام کی عدالت میں مقابلہ ہوگا،یہ واحد صوبہ ہے جہاں انہوں نے خواتین کو قید کیا ہوا ہے،یہ خواتین سے بھی مقابلہ کرنے سے ڈرتے ہیں۔

قبل ازیں ڈاکٹر یاسمین راشد نے قائد مسلم لیگ (ن) کو چیلنج کرتے ہوئے کہا تھا کہ اگر نوازشریف اتنے بہادر ہیں تو میرے خلاف الیکشن لڑ کر دکھائیں۔