غلام سرور خان بھی پی ٹی آئی کو خیرباد کہہ گئے

پی ٹی آئی کے سابق وفاقی وزیر غلام سرور خان نے پی ٹی آئی سے راہیں جدا کرکے استحکام پاکستان پارٹی میں شامل ہونے کا اعلان کردیا۔

تحریک انصاف کے سابق وفاقی وزیر غلام سرور خان نے سربراہ استحکام پاکستان پارٹی جہانگیر ترین اور مرکزی صدر عبدالعلیم خان سے ملاقات کی جس میں انہوں ںے استحکام پاکستان پارٹی میں شمولیت کا اعلان کردیا۔

ملاقات میں سینئر رہنما آئی پی پی عون چوہدری بھی موجود تھے۔ جہانگیر ترین اور عبدالعلیم خان نے غلام سرور خان کا آئی پی پی میں شمولیت پر خیر مقدم کیا جب کہ غلام سرور خان نے جہانگیر ترین اور علیم خان کی قیادت پر بھرپور اعتماد کا اظہار کیا۔