قائد مسلم لیگ(ن)نوازشریف کے زیر صدارت اعلیٰ سطح اجلاس

سابق وزیراعظم نوازشریف کی زیر صدارت لاہور میں جاتی امراء رائیونڈ میں مسلم لیگ ن کی اعلیٰ قیادت کا اجلاس ہوا۔

اجلاس میں شہباز شریف، مریم نواز، حمزہ شہباز، اسحاق ڈار، ملک احمد خان، انوشہ رحمان، سلیمان شہباز، پرویزرشید، مریم اورنگزیب، خواجہ آصف، سعد رفیق، میاں جاوید لطیف، رانا تنویر حسین، احسن اقبال، سردارایاز صادق، عابد شیرعلی، عطا تارڑ اور طلال چوہدری شریک ہوئے۔

قائد مسلم لیگ(ن)نوازشریف کے زیر صدارت اعلیٰ سطح اجلاس#GNN #NewsUpdates #BreakingNews #GNN_Updates pic.twitter.com/CDPybGm86d

— GNN (@gnnhdofficial) October 31, 2023

ن لیگی ذرائع کا کہنا ہے کہ اجلاس میں آئندہ عام انتخابات کی تیاریوں، نواز شریف کے جلسوں کے شیڈول اور پارٹی ٹکٹوں کی تقسیم کے حوالے سے بھی حتمی مشاورت مکمل کر لی گئی ہے جبکہ نواز شریف نے اجلاس کے شرکاء کے اعزاز میں ظہرانہ بھی دیا۔

اجلاس میں ہونے والے فیصلوں کے حوالے سے پارٹی کے جنرل سیکرٹری اور مرکزی ترجمان مریم اورنگزیب جاتی امرا کے باہر میڈیا کو بریفنگ دیں گی۔