حکومت پاکستان نوجوانوں کی بہتری کے لیے مؤثر اقدامات کر رہی ہے ،انوارلحق کاکڑ

نگران وزیراعظم انوارالحق کاکڑنے کہاہے کہ حکومت نے ملک کی اقتصادی صلاحیت سے فائدہ اٹھانے اورنوجوانوں کوبااختیاربنانے کیلئے متعدداقدامات کئے ہیں۔

لاہورمیں آج انسٹی ٹیوٹ آف آرٹ اینڈکلچرکے پہلے کانووکیشن سے خطاب کرتے ہوئے انہوں نے کہا کہ پاکستان کی اقتصادی ترقی کے لئے مہارتوں ،تخلیق اورقائدانہ صلاحیتوں کی ضرورت ہے۔

وزیراعظم نے کہا کہ ہمیں سماجی انصاف اوراپنے آبائواجدادکے خوابوں کی تعبیرکے لئے نوجوانوں کے معاشرے پرمثبت اثرات اورصبروبرداشت ،جدت اورعزم کی ضرورت ہے۔

چین پاکستان اقتصادی راہداری کاحوالہ دیتے ہوئے وزیراعظم نے کہا کہ یہ گیم چینجرمنصوبہ جس میں ہماری معیشت کوتبدیل کرنے کی صلاحیت موجودہے۔

انوارالحق کاکڑنے کہا کہ ہمیں آنے والے چیلنجزاوراحکامات پربھی نظررکھناہوگی۔انہوں نے کہا کہ پاکستان کانوجوان ہماراقیمتی اثاثہ ہے اورملک کی ترقی میں حصہ ڈالنے کے لئے پاکستان کانوجوان پرجوش اوربے قرارہے۔