لاہور سمیت پنجاب بھر میں ڈینگی کے مریضوں میں اضافہ

لاہور سمیت پنجاب بھر میں گزشتہ 24 گھنٹوں کے دوران ڈینگی بخار کے مزید 240 نئے مریض سامنے آئے ہیں۔

محکمہ صحت پنجاب کے مطابق گزشتہ روز لاہور سے ڈینگی بخار کے 124 مریض سامنے آئے۔ لاہور میں رواں سال ڈینگی بخار کے مثبت مریضوں کی تعداد 4032 ہو گئی ہے۔

محکمہ صحت کا کہنا ہے کہ راولپنڈی سے 25، ملتان سے 16، گوجرانوالہ سے 24 اور فیصل آباد سے چار مریض رپورٹ ہوئے۔ محکمہ صحت کے مطابق پنجاب کے اسپتالوں میں اس وقت ڈینگی بخار کے 139 مریض زیر علاج ہیں جب کہ لاہور کے اسپتالوں میں ڈینگی بخار کے 59 مریض داخل ہیں۔