صحت
حیدرآباد میں 29 ماہ کے بچے میں پولیو وائرس کی تصدیق
رواں سال حیدر آباد میں پولیو کیسز کی تعداد 2 ہو گئی
حیدرآباد میں 29 ماہ کے بچے میں پولیو ظاہر ہونے کے بعد رواں سال حیدر آباد میں پولیو کیسز کی تعداد 2 ہو گئی۔
حکام کا دعویٰ ہے کہ جس بچے میں پولیو ظاہر ہوا وہ مستقل بنیادوں پر پولیو کے قطرے پی رہا ہے تاہم خوراک کی کمی اور فلٹر شدہ پانی کی عدم فراہمی سے پولیو وائرس کا حملہ کامیاب رہا۔وزیر اعلیٰ سندھ نے پولیو کیس سامنے آنے کے معاملے کا نوٹس لیتے ہوئے انکوائری رپورٹ طلب کر لی ہے۔
تفصیلات کے مطابق حیدرآباد میں مستقل بنیادوں پر رہائش اختیار کرنے والے وائلڈ پولیو وائرس ون نے رواں ماہ کے آغاز پر شروع کی گئی آٹھ روزہ انسداد پولیو مہم کو ناکام بناتے ہوئے29 ماہ کے بچے کو اپنا شکار بنا لیا ہے۔
ٹاؤن میونسپل کارپوریشن نیرون کوٹ کی یونین کمیٹی نمبر12نورانی بستی کے علاقے چشتیہ کالونی / کرسچن کالونی میں رہائش پذیر دانش قریشی کے بیٹے معیز میں پولیو کی تصدیق نے ضلعی انتظامیہ اور محکمہ صحت کے افسران کی کارکردگی پر سوالیہ نشان بنا دیا ہے،ڈپٹی کمشنر حیدرآباد زین العابدین میمن اور طویل عرصے سے ڈسٹرکٹ ہیلتھ آفیسر حیدرآباد کے عہدے پر تعینات ڈاکٹر لالا جعفر پٹھان کا دعویٰ ہے کہ متاثرہ بچہ مستقل بنیادوں پر پولیو کے قطرے پیتا رہا ہے تاہم خوراک کی کمی کے باعث بچے پر پولیو کا حملہ ہوا۔
انھوں نے بتایا کہ وائلڈ پولیو وائرس ون نے مستقل رہائش اختیار کر رکھی ہے جب وائرس پانی میں موجود ہے تو وہ بچوں کے پیٹ میں بھی داخل ہوگا لیکن اس بچے نے پولیو کے قطرے پی رکھے تھے، اس لیے زیادہ نقصان نہیں ہوا،
ڈی ایچ او کے مطابق حیدرآباد واٹر اینڈ سیوریج کارپوریشن کے تحت فراہم کیے جانے والے پانی میں بھی پولیو وائرس موجود ہے، کارپوریشن حکام کو متعدد بار پانی کی فلٹریشن کیلیے لیٹر بھجوائے گئے ہیں لیکن شہر بھر میں بغیر فلٹرشدہ پانی پینے کے مقاصد کیلیے استعمال ہو رہا ہے۔
ا
کھیل
پی سی بی کا فٹنس ٹیسٹ پاس کرنے کیلئے کھلاڑیوں کو ایک اور موقع دینے کا فیصلہ
فٹنس ٹیسٹ کا آغاز 30 ستمبر کو ہوگا جس میں 8 سے 10 پلئیرز حصہ لیں گے
پاکستان کرکٹ بورڈ (پی سی بی) نے فٹنس ٹیسٹ پاس کرنے کیلئے کھلاڑیوں کو ایک اور موقع دینے کا فیصلہ کرلیا۔
میڈیا رپورٹس کے مطابق فٹنس ٹیسٹ کے نئے دور کا آغاز 30 ستمبر کو ہوگا، جس میں 8 سے 10 پلئیرز حصہ لیں گے۔
اس قبل ہونے والے فٹنس ٹیسٹ میں کچھ پلئیرز حصہ نہیں لے سکے تھے جبکہ چند کھلاڑی فٹنس ٹیسٹ میں پاس ہونے سے قاصر رہے تھے۔
پاکستان کرکٹ بورڈ نے رہ جانیوالے اور ٹیسٹ پاس نہ کرنے والے کھلاڑیوں کو ایک موقع اور دینے کا فیصلہ کیا ہے تاکہ اس بات کو یقینی بنایا جاسکے کہ کھلاڑیوں پر فٹنس کی بنیاد پر جرمانہ عائد نہ کیا جائے۔
اس ٹیسٹ میں 2 کلومیٹر کی ڈور کے علاوہ دیگر امتحانات بھی شامل ہیں تاکہ پلئیرز کی فٹنس کی جانچ کی جاسکے۔
دوسری جانب بورڈ نے گزشتہ دنوں کھلاڑیوں کی فٹنس مسائل کی بروقت تشخیص کیلئے کنسلٹنٹ اسپورٹس میڈیسن کی تقرری کی فیصلہ کیا تھا، جو کنسلٹنٹ اور ڈومیسٹک فزیوز کیساتھ ملکر پلئیرز کی فٹنس کو یقینی بنائے گا۔
تجارت
ایف بی آر کی انکم ٹیکس گوشوارے 30 ستمبر تک جمع کرانے کی ہدایت
ترجمان نے کہا کہ گوشوارے جمع نہ کرانے والے ٹیکس دہندگان کی موبائل سم بند اور یوٹیلیٹی خدمات منقطع کی جائیں گی
فیڈرل بورڈ آف ریونیو(ایف بی آر) نے ایک بار پھر ٹیکس دہندگان کو انکم ٹیکس گوشوارے 30 ستمبر تک جمع کرانے کی ہدایت کی ہے۔
ترجمان ایف بی آر نے سماجی رابطہ کی ویب سائیٹ ایکس(ٹویٹر) پر ایک پیغام میں ٹیکس دہندگان کو انکم ٹیکس گوشوارے 30 ستمبر تک جمع کرانے کی ہدایت کی ہے۔ ترجمان نے کہا کہ گوشوارے جمع نہ کرانے والے ٹیکس دہندگان کی موبائل سم بند اور یوٹیلیٹی خدمات منقطع کی جائیں گی۔
پاکستان
پاکستان تحریک انصاف کی جانب سے احتجاج کی نئی تاریخوں کا اعلان
2 اکتوبر کو تین شہروں ملتان، میانوالی اور فیصل آباد میں بڑے احتجاجی مظاہرے کرے گی، شیخ وقاص اکرم
پاکستان تحریک انصاف کی جانب سے احتجاج کی نئی تاریخوں کا اعلان کردیا گیا۔ نئی تاریخ کا اعلان راولپنڈی میں پولیس کے ساتھ جھڑپوں اور مظاہرے کے بعد کیا گیا۔
پولیس نے پی ٹی آئی کارکنان کو لیاقت باغ میں جمع ہونے سے روکنے کے لیے شہر کے مختلف علاقوں میں رکاوٹیں لگادی تھیں جس کے نتیجے میں تصادم ہوا۔
سوشل میڈیا پلیٹ فارم ایکس پر پی ٹی آئی کے نئے مرکزی سیکرٹری اطلاعات شیخ وقاص اکرم نے اس حوالے سے ایک ویڈیو پیغام ریکارڈ کروایا جس میں انہوں نے احتجاج میں نکلنے والے پی ٹی آئی کارکنوں کا شکریہ ادا کرتے ہوئے کہا کہ کارکنان حکومتی پابندیوں کے باوجود پارٹی کے مقصد کے لیے کھڑے رہے۔
“آج جس طرح پاکستانیوں نے اتنی بڑی تعداد میں نکل کر تمام تر جبر کا ڈٹ کر مقابلہ کیا ہے، عمران خان بہت خوش ہیں اور انہوں نے آپ سب کو مبارکباد دی ہے!
— PTI (@PTIofficial) September 28, 2024
آج عدلیہ کو پیغام ملا ہے کہ پی ٹی آئی اور عوام عدلیہ کے ساتھ کھڑی ہے! ملک میں آئین و قانون کے تحفظ کے لیے کھڑی ہے!
عمران خان نے آپ سب… pic.twitter.com/p6SyuwAfFN
پی ٹی آئی کے رہنما شیخ وقاص اکرم نے ویڈیو پیغام میں اعلان کیا کہ پاکستان تحریک انصاف 2 اکتوبر کو تین شہروں ملتان، میانوالی اور فیصل آباد میں بڑے احتجاجی مظاہرے کرے گی۔ انہوں نے اس بات پر زور دیا کہ ان احتجاجی مظاہروں میں شرکت ایک ذمہ داری ہے اور باہر نکلنا آپ کا فرض ہے۔
پی ٹی آئی کے ایک اعلیٰ عہدیدار شیخ وقاص اکرم نے ایک پریس کانفرنس کے دوران اپنی پارٹی کی کوششوں کو روکنے اور اشتعال انگیز دعوے کرنے پر پنجاب حکومت پر تنقید کرتے ہوئے کہا جھڑپوں کے دوران پی ٹی آئی کے حامیوں کے خلاف میعاد ختم ہونے والے بارود کا استعمال کیا گیا۔ ان کا کہنا تھا کہ حکومت جان بوجھ کر رکاوٹیں پیدا کر رہی ہے اور پی ٹی آئی ورکرز کو خاموش کرانے کیلے ہتھکنڈے استعمال کر رہی ہے۔
واضح رہے پی ٹی آئی کی جانب سے گزشتہ روز راولپنڈی کے لیاقت باغ میں آئینی ترامیم کے خلاف احتجاج کیلئے کارکنان کی چھپتے چھپاتے، شیلنگ اور ربر کی گولیوں کا سامنا کرتے لیاقت باغ پہنچنے کی کوشش کی گئی، لیکن پولیس کے سامنے وہ بے بس نظر آئے۔ پی ٹی آئی کی قیادت بھی راولپنڈی پہنچنے میں ناکام نظر آئی۔
-
دنیا 2 دن پہلے
مودی سرکار کے خلاف نیویارک کی عدالت میں مقدمہ دائر
-
دنیا ایک دن پہلے
کینیڈیں وزیراعظم جسٹن ٹروڈو کے خلاف تحریک عدم اعتماد ناکام
-
پاکستان ایک دن پہلے
لیفٹیننٹ جنرل محمد علی کو سیکرٹری دفاع تعینات کردیا گیا
-
پاکستان 2 دن پہلے
عدالت کا وزارت داخلہ کو ایک ہفتے میں سینیٹر شبلی فراز کا نام ای سی ایل سے نکالنے کا حکم
-
دنیا ایک دن پہلے
امریکا کا قطری شہریوں کےلئے ویزا فری انٹری کا اعلان
-
تجارت 2 دن پہلے
انٹر بینک میں ڈالر کی قیمت میں کمی
-
دنیا 19 گھنٹے پہلے
مشرق وسطی ٰ میں بڑھتی کشیدگی ، ایرانی سپریم لیڈر محفوظ مقام پر منتقل
-
جرم ایک دن پہلے
ڈاکٹر شاہنواز قتل کیس میں 45 افراد کے خلاف مقدمہ درج