نگراں وزیر داخلہ سرفراز بگٹی سے افغان ناظم الامور کی ملاقات

غیر قانونی طور پر مقیم افغان شہریوں کی وطن واپسی سے متعلق نگراں وزیر داخلہ سرفراز بگٹی سے افغان ناظم الامور کی ملاقات ہوئی ہے۔ دونوں رہنمائوں کے درمیان ملاقات میں دوطرفہ امور اور افغان شہریوں کی وطن واپسی کے حوالے سے گفتگو کی گئی۔

نگران وفاقی وزیر داخلہ سرفراز احمد بگٹی نے پاک افغان سرحدی کراسنگ پوائنٹس پر سہولت کیلئے خواتین اور بچوں کو بائیومیٹرک سے استثنیٰ دینے کا اعلان کرتے کہا کہ پاکستان میں غیر قانونی طور پر مقیم غیر ملکیوں کی واپسی کا سلسلہ جاری ہے، ہدایات جاری کی ہیں کہ اپنے وطن واپس جانے والوں کے ساتھ انتہائی عزت و احترام کے ساتھ پیش آیا جائے۔

انہوں نےکہا کہ پروف آف رجسٹریشن اور افغان سٹیزن کارڈ کے حامل افراد کے خلاف کوئی کارروائی عمل میں نہیں لائی جا رہی، اس سلسلے میں کسی کوتاہی اور بدتمیزی کو ہر گز برداشت نہیں کیا جائے گا پروف آف رجسٹریشن اور افغان سٹیزن کارڈ کے حامل افراد کے خلاف کوئی کارروائی عمل میں نہیں لائی جا رہی،

وزارت داخلہ میں اس ضمن میں کنٹرول سینٹر اور ہیلپ لائن قائم کردی گئی ہے۔افغان سفارتخانہ ایک نمائندہ مقرر کرے جو شکایات کے فوری حل کیلئے کنٹرول سنٹر سے ہمہ وقت رابطہ میں رہے۔ وزیر داخلہ کا کہنا تھا کہ کراسنگ پوائنٹس پر سہولت کیلئے خواتین اور بچوں کو بائیومیٹرک سے استثنیٰ حاصل ہو گا