ویزلی کولہوف اور نیل سکوپسکی پیرس ماسٹرزاوپن ٹینس مینزڈبلز کوارٹر فائنل میں پہنچ گئے

پیرس: نیدرلینڈز کے ٹینس کھلاڑی ویزلی کولہوف اور ان کے برطانوی جوڑی دار نیل سکوپسکی پر مشتمل سیکنڈ سیڈڈ جوڑی اے ٹی پی پیرس ماسٹرز اوپن ٹینس ٹورنامنٹ میں مردوں کے ڈبلز مقابلوں کے کوارٹر فائنل میں پہنچ گئی۔

ایونٹ کی سیکنڈ سیڈڈ جوڑی نے مینز ڈبلز دوسرے رائونڈ میں کیرن خچانوف اور ان کے ہم وطن جوڑی دار آندرے روبلوف پر مشتمل حریف روسی جوڑی کو شکست دی ۔

اے ٹی پی کے زیر اہتمام ماسٹرز اوپن ٹینس ٹورنامنٹ کے دلچسپ مقابلوں کا سلسلہ فرانس کے دارالحکومت پیرس میں جاری ہے۔ مردوں کے ڈبلز مقابلوں کے دوسرے رائونڈ میں نیدرلینڈز کے ٹینس کھلاڑی ویزلی کولہوف اور ان کے برطانوی جوڑی دار نیل سکوپسکی پر مشتمل سیکنڈ سیڈڈ جوڑی عمدہ کارکردگی کا مظاہرہ کرتے ہوئے کیرن خچانوف اور ان کے ہم وطن جوڑی دار آندرے روبلوف پر مشتمل حریف روسی جوڑی کو 4-6 اور 6-7(5-7) سے شکست دے کر ٹورنامنٹ کے کوارٹر فائنل رائونڈ کے لئے کوالیفائی کرلیا۔