مشہور کردار انکل سرگم کے خالق فاروق قیصر انتقال کر گئے

تفصیلات کے مطابق مشہور کردار انکل سرگم  کے خالق فاروق قیصر انتقال کر  گئے ۔ انتقال کی خبر کی تصدیق ان کے نواسے کی جانب سے کی گئی ۔

 اداکار فاروق قیصر نے 1976 میں کردار انکل سرگم سے شہرت حاصل کی ۔اداکارنے انکل سرگرم کردار کے زریعے معاشرتی مسائل اجاگر کئے۔

فاروق قیصر 31 اکتوبر 1945 کو سیالکوٹ میں پیدا ہوئے، انہوں نے نیشنل کالج آف آرٹس لاہور سے تعلیم حاصل کی۔

فاروق قیصر ایک مصنف،کالم نگار ،کارٹونسٹ اور ٹی وی پروڈیوسر تھے اور انہوں نے تمام شعبوں میں اپنی صلاحیتوں کا لوہا منوایا، وہ این سی اے اور فاطمہ جناح وومن یونیورسٹی میں تدریس سے بھی منسلک رہے، انہیں 1993ء میں تمغہ حسن کارکردگی سے بھی نوازا گیا۔

 تاہم پی ٹی وی کا مشہور پروگرام 'کلیاں ' ان کی پہچان بنا جس میں انکل سرگم کے کردار نے بے پناہ شہرت دلائی، اس کردار کے ذریعے انہوں نے معاشرتی مسائل اجاگرکیے۔

مرحوم کے نواسے حسنین قیصرکا کہنا ہےکہ  فاروق قیصرکافی عرصے سےعارضہ قلب میں مبتلا تھے، ایک گھنٹہ پہلےنانا کی طبیعت خراب ہوئی، اسپتال لے جانے کے لیے ایمبولینس بلائی مگر ان کا پہلے ہی انتقال ہوگیا۔