نگران حکومت فری اینڈ فئیر الیکشن کا انعقاد یقینی بنائے گی ،انوارلحق کاکڑ

وزیراعظم انوارالحق کاکڑ نے کہا ہے کہ نگران حکومت آزادانہ ، منصفانہ اورشفاف انداز میں انتخابات کے انعقاد پر توجہ دے رہی ہے ۔

ایک انٹرویو میں انہوں نے کہاکہ الیکشن کمیشن سے مکمل تعاون کررہے ہیں۔ انہوں نے کہاکہ آئندہ عام انتخابات کے دوران نگران حکومت مکمل طورپر غیرجانبدار رہے گی ۔

ایک سوال کے جواب میں انوارالحق کاکڑ نے اس امر پر اطمینان کااظہار کیا کہ اب ملکی معیشت مستحکم ہوگئی ہے ۔

غزہ اور مغربی کنارے کی موجودہ صورتحال کے حوالے سے وزیراعظم نے کہاکہ فلسطین میں جنگ بندی یقینی بنانے کیلئے اسلامی تعاون تنظیم کے حالیہ ہنگامی اجلاس میں اجتماعی دانش کے ساتھ ایک متفقہ مضبوط پیغام دیاگیا ہے امید ہے کہ اس پر جلد عملدرآمد ہوگا ۔

غیرقانونی طورپر مقیم افغانوں کی ان کے ملک واپسی سے متعلق ایک سوال پروزیراعظم نے واضح کیاکہ اس معاملے پر کوئی بیرونی دبائو نہیں۔

انہوں نے کہاکہ حکومت نے ملک میں رہنے کیلئے افغان باشندوں پر کوئی پابندی نہیں لگائی تاہم انھیں باقاعدہ قانونی دستاویزات کیلئے خود کو رجسٹرڈکرانا ہوگا۔