چیئرمین پی ٹی آئی پر سائفر کیس کا مقصد انہیں سزائے موت دلوانا ہے، علیمہ خان

پاکستان تحریک انصاف کے چیئرمین کی ہمشیرہ علیمہ خان کا کہنا ہے کہ عمران خان نے دوبارہ کہا ہے کہ ڈونلد لو اور باجوہ نے مل کر ان کی حکومت گرائی، یہ ملک کے خلاف سازش تھی اور سازش کے نتیجےمیں میری حکومت گرائی گئی۔

اڈیالہ جیل کے باہر صحافیوں سے گفتگو کرتے ہوئے علیمہ خان نے کہا کہ عمران خان پر سزائے موت کا کیس بنا دیا گیا ہے جس کا مقصد انہیں موت کی سزا دینا ہے۔

انہوں ںے کہا کہ عمران خان کہتے ہیں میں نے لوگوں کو بتایا ملک کے خلاف سازش ہے، اس کے نتیجہ میں ملک میں ایک سال میں معاشی تباہی ہوئی جس سے عوام کو نقصان اٹھانا پڑا۔

اگر عمران خان کو سزائے موت سنائی گئی۔۔۔ہم نہیں بیٹھیں گے!
کپتان کی بہن علیمہ خان نے جیل سے نکلتے ہی بڑا اعلان کردیا! pic.twitter.com/cztv25PvNZ

— GNN (@gnnhdofficial) November 21, 2023

ان کا مزید کہنا تھا کہ آج کی مہنگائی اسی وجہ سے ہے، 15 لاکھ نوجوان ملک چھوڑ کر جا چکے ہیں،یہ پاکستان کا اثاثہ تھے۔ نئی حکومت بنا کر چیئرمین پی ٹی آئی کو جیل میں ڈال دیا گیا تاکہ اس کی آواز بند ہو جائیے اور سزائے موت کا کیس بنا دیا گیا اور اس وقت مقصد یہی ہے کہ چیئرمین پی ٹی آئی کو موت کی سزا دلوائی جائے۔

علیمہ خان ںے کہا کہ امریکا میں میٹنگ میں فیصلہ کیا گیا جو عدم اعتماد آئے گی اسے کامیاب کروانا ہے، اگر یہاں انصاف کے تقاضے پورے نہ کیے گئے تو امریکا میں ڈونلڈ لو کے خلاف کیس کریں گے، چیئرمین پی ٹی آئی نے کہا یہ کورٹ نہیں کینگرو کورٹ لگا ہوا ہے۔ ہمارے وکلاء جب پراسیکیوشن سے کوئی کاغذ یا چالان کی کاپی مانگتے ہیں تو کہا جاتا ہے کہ سب سیکرٹ ہے، یہ کس قسم کا کیس چل رہا ہے۔

علیمہ خان نے مزید بتایا کہ چیئرمین پی ٹی آئی نے کہا ہے کہ نیب والے 190 ملین پاؤنڈ اسکینڈل تفتیش کے لیے آتے ہیں بیٹھتے ہیں اور واپس چلے جاتے ہیں، آج بھی جیل میں گئے تو کچھ غیرملکی جیل کے اندر گئے ہوئے تھے، لیکن وہ چیئرمین پی ٹی آئی سے ملنے نہیں آئے تھے۔