پاکستان کا سویڈن سے تعلقات بڑھانے پر غور

پاکستان او ر سویڈن نے دوطرفہ مذاکرات اور باہمی طور پر مفید تعاون اور اشتراک عمل کو فروغ دینے پر اتفاق کیا ہے۔

 اتفاق رائے سٹاک ہوم میں 17 ویں پاک سویڈن دو طرفہ سیاسی مشاورت میں ہوا۔فریقین نے سیاست، معیشت، تجارت، سرمایہ کاری اور تعلیم سمیت مختلف شعبوں میں دوطرفہ تعلقات کا تفصیلی جائزہ لیا اور ان پر اطمینان ظاہر کیا۔ایڈیشنل سیکرٹری خارجہ یورپ ایمبیسڈر شفقت علی خان نے پاکستان کی طرف سے مذاکرات کی قیادت کی اور قابل تجدید توانائی، پائیدار ٹیکنالوجی، ویسٹ مینجمنٹ، انفارمیشن کمیونیکشن ٹیکنالوجی اورر تحقیق اور ترقی کے شعبوں میں تعاون میں مزید اضافے کی پاکستان کی خواہش کا اظہار کیا۔

انہوں نے پاکستان میں کاروبار دوست ماحول سے فائدہ اٹھانے والی مزید سویڈش کمپنیوں کا خیرمقدم کیا۔ سویڈن نے مضبوط معاشی اور سیاسی تعاون میں وسیع البنیاد دوطرفہ اضافے کے عزم کااعادہ کیا۔