چیئرمین پی ٹی آئی اور شاہ محمود قریشی کیخلاف سائفر کیس کی سماعت شروع

راولپنڈی: چیئرمین پی ٹی آئی اور وائس چیئرمین شاہ محمود قریشی کے خلاف سائفر کیس کی سماعت جاری ہے۔

آفیشل سیکرٹ ایکٹ خصوصی عدالت کے جج ابوالحسنات محمد ذوالقرنین کیس کی سماعت کر رہے ہیں۔

چیئرمین پی ٹی آئی کے وکلاء اور ایف آئی اے پراسیکیوشن ٹیم عدالت میں پیش ہوئے، چیئرمین پی ٹی آئی کی بہنیں اور شاہ محمود قریشی کی بیٹی عدالت میں موجود ہیں۔

عمران خان کے وکیل خالد یوسف چوہدری نے کہا کہ انہیں آج ہی عدالت میں پیش کیا جائے، حاضری کے علاوہ کوئی چارہ نہیں۔ چیئرمین پی ٹی آئی کو عدالت میں پیش نہ کیا گیا تو یہ توہین عدالت ہو گی۔

واضح رہے کہ عدالت نے چیئرمین پی ٹی آئی اور شاہ محمود قریشی کو پیش کرنے کا حکم دے رکھا ہے۔