عہدے سے ہٹانے کا کیس، چیئرمین پی ٹی آئی کے وکیل نے جواب جمع کرانے کےلئے وقت مانگ لیا

الیکشن کمیشن نے عمران خان کو پارٹی چیئرمین شپ سے ہٹانے کے کیس میں چیئرمین پی ٹی آئی وکیل کی طرف سے جواب جمع کرنے کے کئے وقت مانگنے پر الیکشن کمیشن نے مہلت کی استدعا منظور کرلی۔

چیف الیکشن کمشنرسکندرسلطان راجہ کی سربراہی میں چاررکنی کمیشن نے چیئرمین پی ٹی آئی کو پارٹی چیئرمین شپ سے ہٹانے سے متعلق کیس کی سماعت کی۔

دارخواست گزار خالد محمود اور پی ٹی آئی کے وکیل بیرسٹر علی گوہر الیکشن کمیشن میں پیش ہوئے، وکیل پی ٹی آئی نے استدعا کی کہ درخواست گزار کی جانب سے درخواست کی کاپی مہیا نہیں کی گئی،کیس کا ریکارڈ حاصل کرکے اس پر جواب جمع کرانا ہے، اس کے لیے وقت درکارہے۔

الیکشن کمیشن نے کہا کہ استدعا منظورکی جاتی ہے، مگر جواب جمع کرائیں، کمیٹی نے کیس کی آئندہ سماعت 5 دسمبرتک ملتوی کردی۔