ڈبلیو بی او یوتھ ورلڈ چیمپئن، پاکستانی باکسر عثمان وزیر نے انٹرنیشنل رینکنگ فائٹ جیت لی

ڈبلیو بی او یوتھ ورلڈ چیمپئن پاکستانی باکسر عثمان وزیر نے 12 ویں انٹرنیشنل رینکنگ فائٹ جیت لی۔

بنکاک میں ہونے والی فائٹ میں پاکستانی باکسر عثمان وزیر نے تھائی حریف کو اس کے ہوم گراؤنڈ پر شکست دے کر تاریخ رقم کر دی، عثمان کے جارحانہ انداز کے سامنے تھائی باکسر بے بس ہوکر تیسرے راؤنڈ میں ناک آوٹ ہوگیا۔

Alhumdulillah, after a dozen fights still undefeated, 12-0 as pro with 8 KOs in the books. This fight was very special to me so I dedicate this win of mine to our brothers and sisters suffering in Palestine! May Allah help them and be with them in this difficult time! ?? pic.twitter.com/VjHhjJzjCU

— Usman Wazeer (@WazeerUsman) November 30, 2023

اس فتح کے ساتھ یوتھ ورلڈ چیمپئن باکسر عثمان وزیر نے اپنی 12 انٹر نیشنل فائٹ میں بھی ناقابل شکست رہنے کا اعزاز برقرار رکھا۔ عثمان وزیر نے اپنی فتح فلسطین کے مظلوم مسلمانوں کے نام کر دی۔

عثمان وزیر کا کہنا تھا کہ انٹر نیشنل رینکنگ فائٹ کے لیے کو چز نے بھرپور تیاری کروائی، مستقبل میں بھی باکسنگ کے میدان میں پاکستان کا پرچم سربلند رکھنے کوشش کریں گے، اہم فائٹ میں میری کامیابی کیلئے دعاؤں پر پاکستانیوں کا شکریہ۔