اقلیتی برادریوں سمیت ہر شہری کے حقوق کے تحفظ کے لئے پرعزم ہے، جارج خلیل

کراچی: نگران وفاقی وزیر برائے انسانی حقوق خلیل جارج نے ملک کے اقلیتی برادریوں سمیت ہر شہری کے حقوق کے تحفظ کے عزم کا اظہار کیا ہے۔یہ بات انہوں نے جناح گراؤنڈ نیزد مزار قائد پر کرسمس منانے کے حوالے سے منعقدہ پروگرام کے موقع پر گفتگو کرتے ہوئے کہی۔

انہوں نے کہا کہ ملک کا آئین ملک میں رہنے والے ہر شہری کے حقوق کی ضمانت دیتا ہے۔انہوں نے کہا کہ مسیحی برادری کو ملک کی ترقی کے لیے اکٹھا ہونا چاہیے۔ انہوں نے کہا کہ ہر مذہب نے ہمیں امن اور محبت کا درس دیا اور نفرت کی حوصلہ شکنی کی۔

انہوں نے کہا کہ حکومت اور سکیورٹی فورسز ہمیشہ مسیحی برادری کے ساتھ کندھے سے کندھا ملا کر کھڑی ہیں۔ انہوں نے مزید کہا کہ پاکستان کے دشمن اپنے مذموم عزائم میں ہمیشہ ناکام رہیں گے۔