ملک شو بازی اور نعروں سے ہیں بلکہ عملی کام سے ترقی کرتا ہے، رہنما پیپلز پارٹی

پاکستان پیپلز پارٹی کے رہنما شرجیل انعام میمن نے کہا ہے کہ ملک شو بازی اور نعروں سے ہیں بلکہ عملی کام سے ترقی کرتا ہے۔نواز شریف پر تنقید کرتے ہوئے کہا کہ آپ 3 مرتبہ اقتدار میں آئے بتائیں کوئی ایک بھی ہسپتال بنایا ہو، اتنی مرتبہ وزیر اعظم بنے بتائیں ملک کے لئے کیا کیا۔ ہماری لیڈر شپ علاج کےلئے باہر بھی نہیں جاتی۔

بلاول ہاؤس کراچی میں پریس کانفرنس کرتے ہوئے شرجیل میمن نے کہا کہ مسلم لیگ ن کے اراکان کہتے ہیں کہ ہم نے لاہور بنایا،آپ لاہور کی بات کرکے یہ پیغام دے رہے ہیں کہ آپ نے لاہور کو پاکستان سمجھ لیا ہے۔ ہم ن لیگ کی طرف صرف لاہور کی نہیں بلکہ پورے پاکستان کی بات کرتے ہیں۔ چند لوگ مایوسی کی باتیں کررہے ہیں، پاکستان کے اداروں کے خلاف سازشیں کی گئیں، اداروں کو ڈبونے کی سازشیں کی گئیں۔

شرجیل میمن نے کہا کہ پیپلزپارٹی ملک کے کونے کونے میں اپنا لوہا منوائے گی، صرف عوام کی مدد سے پیپلزپارٹی تنہا حکومت بنائے گی اور8 فروری کوتاریخی فتح حاصل کرے گی۔ ایم کیو ایم اور ن لیگ اتحاد صفر ہے، عام انتخابات میں انہیں شکست ہو گی۔

انہوں نے کہا کہ آپ نے لاہورکوپوراپاکستان سمجھا ہوا ہے، بلاول بھٹونے خیبرپختونخو اور بلوچستان کے کامیاب دورے کیے، پیپلزپارٹی کا بلوچستان میں تاریخی جلسہ ہوا، پیپلزپارٹی نے وہ کام کئےجوپورے پاکستان میں کوئی نہ کرسکا۔ سی پیک کی بنیاد رکھنےوالے آصف زرداری ہیں، کل ن لیگ کے ممبران کو یاد آیا کہ ہم نے لاہور بنایا، آپ وزیراعظم بنے، بتائیں پاکستان کیلئےکیا کیا؟

انہوں نے کہا کہ پیپلزپارٹی کی قیادت علاج کیلئے ملک سےباہر نہیں جاتی، ن لیگ کی قیادت نے کبھی پاکستان میں کوئی سرکاری اسپتال بنایا؟ پیپلزپارٹی میرٹ پر اپنی کارکردگی دکھا سکتی ہے۔ کراچی میں ملک کی بہترین طبی سہولتیں موجود ہیں، صحت ہے توسب کچھ ہے، سڑکیں فلائی اوور، صحت کے بعد آتے ہیں، پاکستان میں پہلی الیکٹرک بس سروس پیپلزپارٹی نے شروع کی، ن لیگ کے دوست بتائیں ہیلتھ کے شعبے میں کیا کام کیا؟ پیپلزپارٹی کی لڑائی لسانیت کی سیاست کے خلاف ہے،

انہوں نے کہا کہ پیپلزپارٹی کی حکومت میں تھرکاکوئلہ نکالاگیا، ن لیگ نے تھرکا کوئلہ نکالنےکابھی کریڈٹ لے لیا، کوئلہ کے ذخائراتنے ہیں کہ 200 سال تک ایکسپورٹ کرسکتے ہیں، پیپلزپارٹی غریبوں کی جماعت ہے، پیپلزپارٹی کو لوگوں کے مسائل کا پتا ہے. سندھ میں سیلاب سے 21 لاکھ گھر تباہ ہوئے، سندھ میں سیلاب متاثرین کیلئے گھربنانا شروع کردیئے ہیں، پیپلزپارٹی روٹی ،کپڑاور مکان کے نعرے پرعمل کررہی ہے، اس سے بڑی عوام کی خدمت اور کیا ہوسکتی ہے،

ان کا کہنا ہے کہ پی ٹی آئی نے ملک کوتاریخی نقصان پہنچایا، پی ٹی آئی نے پاکستان کی تبائی کی کوئی کسر نہیں چھوڑی، ایس آئی یوٹی میں ایران سے لوگ علاج کیلئے آتے ہیں، پیپلزپارٹی کے پاس ملک کے تمام مسائل کا حل موجود ہے.  ہمیں اپنےالفاظوں کا چناؤ مناسب کرناچاہئے، ملک کے اندورنی اور بیرونی چیلنجز کا مل کر مقابلہ کرنا چاہئے، ملک شوبازیوں سے ترقی نہیں کرتا ہے۔