نگران وزیر اعظم کی چلاس میں مسافر بس پر فائرنگ کی شدید مذمت

نگران وزیر اعظم انوار الحق کاکڑ نے گلگت بلتستان کے علاقے چلاس میں مسافر بس پر فائرنگ کی شدید مذمت کرتے ہوئے کہا ہے کہ معصوم نہتے شہریوں کو نشانہ بنانا دہشتگردوں کی بزدلی کا ثبوت ہے۔

نگران وزیر اعظم نے نہتے شہریوں کی شہادت پر گہرے دکھ اور افسوس کا اظہار کرتے ہوئے شہداء اور زخمی ہونے والے افراد کے اہل خانہ کے لیے صبر جمیل کی دعا کی ۔ وزیراعظم نے کہا کہ معصوم نہتے شہریوں کو نشانہ بنانا دہشتگردوں کی بزدلی کا ثبوت ہے۔

انوار الحق کاکڑ نے کہا کہ ملک دشمن عناصر کی گلگت بلتستان کے امن کو سبوتاژ کرنے کی مذموم کوشش کامیاب نہیں ہونے دیں گے،جب تک پاکستان سے دہشتگردی کا جڑ سے خاتمہ نہیں ہو جاتا تب تک ہماری دہشتگردوں کے خلاف جنگ جاری رہے گی۔