صدر مملکت ڈاکٹر عارف علوی کا بین الاقوامی انسانی حقوق کی تقریب سے خطاب

صدر مملکت ڈاکٹڑ  عارف علوی نے کہا ہے کہ اقلیتوں سمیت معاشروں کے مختلف طبقوں کے حقوق کے تحفظ کیلئے پاکستان کے پاس جامع قانون موجود ہے۔

انہوں نے آج اسلام آباد میں بین الاقوامی انسانی حقوق کے سلسلے میں ایک تقریب سے خطاب کرتے ہوئے کہا کہ جب بھی اقلیتوں کے خلاف کوئی واقعہ ہوتا ہے تو پوری ریاستی انتظامیہ حرکت میں آجاتی ہے۔

صدر نے ایک ایسا نظام قائم کرنے پر بھی زور دیا جس میں جنگ کی کوئی گنجائش نہ ہو۔ انہوں نے غزہ میں صورتحال پر گہری تشویش ظاہر کرتے ہوئے کہا کہ خواتین اور بچوں سمیت نہتے لوگوں کو شہید کیا جارہا ہے۔

انسانی حقوق کے نگران وزیر خلیل جارج نے اس موقع پر کہا کہ اقلتیں آزادانہ طور پر اپنی مذہبی رسومات کی ادائیگی کررہی ہیں اور اپنے تہوار منارہی ہیں جو ملک میں آزادی اور سیکورٹی کے احساس کا مظہر ہے۔