بیلجیئم میں پاکستان کی سفیر آمنہ بلوچ کی کے یو۔لیوین یونیورسٹی کے پاکستانی طلباء سے ملاقات

برسلز: یورپی یونین لکسمبرگ اور بیلجیئم میں پاکستان کی سفیر آمنہ بلوچ نے کے یو۔لیوین

یونیورسٹی کے پاکستانی طلباء سے ملاقات کی۔ جمعہ کو سوشل میڈیا پلیٹ فارم ایکس پر اپنے ٹویٹ میں انہوں نے یونیورسٹی کے پاکستانی سکالرز کے جدت پر مبنی پراجیکٹس کو سراہا۔

انہوں نے پاکستانی طلباء سے بات چیت کرتے ہوئے مستقبل میں ان کاوشوں کیلئے پاکستانی سفارتخانے کی طرف سے مکمل تعاون کا یقین دلایا۔ اس موقع پر سفیر آمنہ بلوچ نے تعلیمی شراکت داری استوار کرنے کی اہمیت پر بھی زور دیا۔