پی ایس 70 ماتلی میں ضمنی انتخاب آج ، پولنگ جاری

تفصیلات کے مطابق سندھ اسمبلی کے حلقہ پی ایس 70 ماتلی میں ضمنی انتخاب آج ہورہاہے، پولنگ صبح 8 سے شام 5 بجے تک بغیر کسی وقفے کے جاری  ہے ۔ پیپلز پارٹی کے امیدوار حاجی محمد دادا ہالیپوٹو اور جے یو آئی کے مولانا گل حسن کے درمیان کانٹے کا  مقابلہ متوقع ہے۔ ایم ڈبلو ایم اور کالعدم تحریک لبیک بھی میدان میں ہیں۔

حلقے میں رجسٹرڈ ووٹرز کی تعداد ایک لاکھ 66ہزار سے زائد ہے جبکہ حلقے میں کل 123 پولنگ اسٹیشنز قائم کیئے گئے ہیں۔حلقہ پی ایس 70 ماتلی کے 123 پولنگ اسٹیشنز میں سے 41 حساس اور12 انتہائی حساس قرار دیے گئے ہیں۔ پولیس کے 1200اور رینجرز کے 395اہلکار سیکیورٹی کے فرائض انجام دیں گے۔

سندھ اسمبلی کی یہ نشست پیپلز پارٹی کے رکن اسمبلی بشیر احمد کے انتقال کے بعد خالی ہوئی تھی۔