سونے کی قیمت میں نمایاں کمی

ملک میں سونے کی قیمت میں نمایاں کمی آئی ہے۔

پیر کے روز فی تولہ سونا 1900روپے کی کمی سے 2 لاکھ 16 ہزار 100 روپے اور دس گرام سونے کی قیمت بھی 1629روپے کی کمی سے 1 لاکھ 85 ہزار 271 روپے کی سطح پر آگئی۔

بین الاقوامی بلین مارکیٹ میں فی اونس سونا 18ڈالر کی کمی سے 2047ڈالر کی سطح پر آگئی۔ اس کے برعکس فی تولہ چاندی کی قیمت بغیر کسی تبدیلی کے 2660 روپے اور دس گرام چاندی کی قیمت بھی بغیر کسی تبدیلی کے 2280.52روپے پر مستحکم رہی۔

دوسری جانب اسٹاک مارکیٹ میں کاروبار کا مثبت رجحان رہا ، کاروبار کے آغاز پر پاکستان اسٹاک ایکسچینج کے 100 انڈیکس میں 238 پوائنٹس کا اضافہ ریکارڈ کیا گیا جس کےبعد انڈیکس 64 ہزار 753 پوائنٹس پر پہنچ گیا۔