دی اکانومسٹ میں لکھا جانے والا مضمون مصنوعی ذہانت کی مدد سے نہیں لکھا گیا، پی ٹی آئی کی وضاحت

پاکستان تحریک انصاف نے عمران خان سے منسوب ایسی خبروں کی تردید کی ہے جس میں کہا گیا ہے کہ برطانوی جریدے دی اکانومسٹ میں لکھا جانے والا مضمون مصنوعی ذہانت کی مدد سے لکھا گیا ہے۔

سوشل میڈیا پلیٹ فارم ایکس پر پی ٹی آئی کی اس حوالے سے تردید سامنے آئی ہے۔

پاکستان تحریک انصاف کے ترجمان کا کہنا ہے کہ مقامی میڈیا کی طرف سے نشر کی جانے والی خبریں / رپورٹس درست نہیں ہیں۔ مذکورہ مضمون پی ٹی آئی کے تاحیات چیئرمین عمران خان نے ہی تحریر کیا ہے۔

“It is clarified that the news/reports carried by local media on the contents
and mode of publication of an article by the PTI Chairman-for-life in a
foreign publication “The Economist” does not reflect the actual state of
facts regarding the matter.

The said piece has been… pic.twitter.com/7ZtqgEnIQG

— PTI (@PTIofficial) January 9, 2024

پوسٹ کے مطابق عمران خان اڈیالہ جیل میں انتقامی طور پر قید ہیں جہاں ایسے ذرائع کے استعمال کا کوئی طریقہ نہیں۔

واضع رہے کہ بانی چیئرمین پی ٹی آئی عمران خان نے اپنے مضمون میں اس خدشے کا اظہار کیا تھا کہ پاکستان میں عام انتخابات مقررہ تاریخ 8 فروری کو بالکل بھی نہیں ہوں گے، اگر وہ ایسا کرتے ہیں تو بھی اس طرح کے انتخابات تباہی اور تماشہ ہوں گے کیونکہ پی ٹی آئی کو انتخابی مہم چلانے کے بنیادی حق سے محروم رکھا جا رہا ہے۔

یہ مضمون دی اکانومسٹ میں جمعرات 4 جنوری کو پہلی بار شائع کیا گیا تھا جس کے بعد سے اسے آفیشل ایکس اکاؤنٹ سے کم از کم 7 بار دوبارہ پوسٹ کیا گیا ہے۔ ان پوسٹس کو 25 ملین سے زائد بار دیکھا جا چکا ہے۔