عائزہ اور ایمن کے بعد اقرا عزیز کے انسٹا گرام پر چرچے

تفصیلات کے مطابق اداکارہ    اقرا عزیز کے    فوٹو اور ویڈیو شیئرنگ  ایپ پر فالوورز کی تعداد  60 لاکھ  یعنی 6 ملین فالوورز  تک جاپہنچی ہے ۔ اقرا عزیز   سب سے زیادہ فالوورزرکھنے والی اداکاراؤں کی فہرست میں شامل ہو گئی ہیں ۔

اقرا عزیز ان دِنوں  نجی چینل کے مقبول  ڈرامے "خدا اور محبت "میں نظر آرہی ہیں ۔ اس ڈرامے میں وہ ماہی کا کردار ادا کر رہی ہیں جسے  انکے مداحوں نے بہت سراہا ہے ۔   اقرا عزیز  سوشل میڈیا پر کافی سرگرم نظر آتی ہیں اور اکثر  اپنے مداحوں سے رابطے میں رہتی ہیں ۔ وہ انسٹا گرام پر اپنے مختلف فوٹو شوٹ اور اپنے شوہر  یاسر حسین کے ہمراہ  تصاویر شیئر کرتی رہتی ہیں۔

واضح رہے کہ انسٹاگرام پر سب سے زیادہ فالو کی جانے والی پاکستانی اداکاراؤں میں عائزہ خان خان  پہلے نمبر پر، ایمن خان دوسرے نمبر پر جبکہ اداکارہ ماہرہ خان تیسرے نمبر پر ہیں۔