ماضی کی تلخیوں کو فراموش کرکے مستقبل کی منصوبہ بندی کرنے آئے ہیں ،نوازشریف

مسلم لیگ ن کے قائد نوازشریف نے کہا کہ ملک عوام کی خدمت کرنے پر کئی بار جیل کا سامنا کرنا پڑا ہے مگر کسی سے شکایت نہیں کی ، انہوں نے کہا کہ ماضی کی زیادتیوں کوفراموش کرکےمستقبل کی منصوبہ بندی کرنےآیاہوں، اگرہم حکومت میں آئےتو اپنے منشور پرعمل درآمد  کریں گے۔

مسلم لیگ ن کے انتخابی منشورکی تقریب سے خطاب کرتے ہوئے میاں محمد نوازشریف نے کہا کہ 2013میں مولانا فضل الرحمان نے اتحادی حکومت بنانی کی پیشکش کی تھی ، 2018میں پنجاب میں ن لیگ کی اکثریت تھی لیکن حکومت بنانےنہیں دی گئی، ملک کو تمام مسائل سے باہر نکالنا چاہتے ہیں۔

نواز شریف  نے کہا کہ پاکستان میں سب سے بڑا مسئلہ معیشت کا ہے، ہمیشہ غریب، مزدوراورنچلے طبقے کے بارے میں سوچا،  ہمارے خلاف ہر قسم کی انتقامی کارروائی کی گئی، ہرانتقامی کارروائی کےبعد آج منشور پیش کرنےکیلئےبیٹھےہیں، ماضی کی زیادتیوں کوفراموش کرکےمستقبل کی منصوبہ بندی کرنےآیاہوں۔

قائد مسلم لیگ ن نے کہا کہ ہمیشہ اصولوں پر سیاست کی، میثاق جمہوریت کی بہت زیادہ خلاف ورزیاں کی گئیں، 2008سے لیکر2013تک پیپلزپارٹی کی حکومت تھی، پیپلزپارٹی کےساتھ مختلف معاملات پر اختلافات ہے، میثاق جمہوریت پر ہم سب نے دستخط کیے تھے، ملک، عوام کی خدمت کرنے پر کئی بار جیل کا سامنا کرنا پڑا ہے ۔