پاکستان
صنم جاوید کی مشکلات میں کمی نہ آئی، رہائی کے بعد ایک مرتبہ پھر گرفتار
پولیس نے تھانہ شادمان میں درج مقدمہ میں پاکستان تحریک انصاف کی رہنما صنم جاوید کو گرفتار کیا
![صنم جاوید کی مشکلات میں کمی نہ آئی، رہائی کے بعد ایک مرتبہ پھر گرفتار](/media/93841/conversions/news-1706508589-1229-1280x720.jpg)
پی ٹی آئی کارکن اور امیدوار صنم جاوید کی مشکلات میں کمی نہ آئی، رہائی کے بعد ایک مرتبہ پھر گرفتار کرلیا گیا ۔
انویسٹی گیشن پولیس نے تھانہ شادمان جلانے کے کیس میں پاکستان تحریک انصاف کی رہنما صنم جاوید کو گرفتار کر لیا۔ اس حوالے سے پولیس کا کہنا ہے کہ صنم جاوید کو تھانہ شادمان منتقل کیا جائے گا۔
قبل ازیں لاہور کی انسداد دہشتگردی عدالت نے مسلم لیگ (ن) ہاؤس جلانے کے کیس میں پی ٹی آئی ورکر صنم جاوید اور محمد تنویر کی بعد از گرفتاری ضمانت منظور کرلی۔ انسداد دہشت گردی عدالت کے جج ارشد جاوید چدھڑ نے فیصلہ سنایا۔
واضع رہے کہ مسلم لیگ ن ہاؤس جلانے کے کیس میں آج ہی صنم جاوید کی ضمانت عدالت نے منظور کی تھی۔
علاقائی
خاتون پولیس اہلکار کو ٹک ٹاک بنانا مہنگا پڑ گیا!
ویڈیو کے وائرل ہونے کے بعد ڈی آئی جی ساؤتھ سید اسد رضا نے نوٹس لیتے ہوئے کانسٹیبل ماریہ گل کو فوری طور پر معطل کردیا
![خاتون پولیس اہلکار کو ٹک ٹاک بنانا مہنگا پڑ گیا!](/media/117003/conversions/ladyconstablesuspended-1280x720.jpg)
کراچی: کراچی کی ایک لیڈی پولیس اہلکار کو ٹک ٹاک پر ویڈیو بنانا مہنگا پڑ گیا۔ دوران ڈیوٹی ٹک ٹاک ویڈیو بنانے پر کانسٹیبل ماریہ گل کو معطل کردیا گیا ہے۔
تفصیلات کے مطابق کراچی کے گزری تھانے میں تعینات لیڈی کانسٹیبل ماریہ گل نے دوران ڈیوٹی ٹک ٹاک ویڈیو بنائی جسے سوشل میڈیا پر خوب شیئر کیا گیا۔ اس ویڈیو میں وہ کراچی کی مائی کولاچی کاز وے پر اپنی ڈیوٹی کے بارے میں بتاتی نظر آ رہی ہیں۔
خاتون پولیس اہلکار کو ٹک ٹاک بنا مہنگا پڑ گیا!#GNN #BreakingNews #NewsUpdates #GNN_Updates pic.twitter.com/S4wB70mwh9
— GNN (@gnnhdofficial) September 3, 2024
اس ویڈیو کے وائرل ہونے کے بعد ڈی آئی جی ساؤتھ سید اسد رضا نے نوٹس لیتے ہوئے کانسٹیبل ماریہ گل کو فوری طور پر معطل کردیا۔ انہوں نے کہا کہ پولیس ایک پروفیشنل ادارہ ہے اور اس طرح کے غیر ذمہ دارانہ رویے کی کسی کو اجازت نہیں دی جائے گی۔
واضح رہے کہ وفاقی حکومت نے سرکاری ملازمین کے لیے سوشل میڈیا کے استعمال پر پابندی عائد کی ہے۔ اسٹیبلشمنٹ ڈویژن کی جانب سے جاری کردہ ایک نوٹیفکیشن کے مطابق، سرکاری ملازمین بغیر اجازت سوشل میڈیا کا استعمال نہیں کر سکتے۔
تجارت
عالمی اور مقامی مارکیٹس میں سونے کی قیمت میں بڑی کمی
فی تولہ نرخ میں ایک ہزار روپے کی کمی سے سونا 2 لاکھ 61 ہزار 500 روپے کا ہوگیا
![عالمی اور مقامی مارکیٹس میں سونے کی قیمت میں بڑی کمی](/media/117025/conversions/gold-1280x720.jpg)
ملک میں سونے کی قمیت میں کمی ہو گئی۔
ملک بھر میں سونے کے فی تولہ نرخ ایک ہزار روپے کم ہو گئے، جس سے فی تولہ سونا 2 لاکھ 61 ہزار 500 روپے کا ہوگیا۔
اس کے برعکس دس گرام سونے کی قیمت میں 857 روپے کی کمی ہوئی جس سے 10 گرام سونا 2 لاکھ 24 ہزار 194 روپے تک پہنچ گیا۔
چاندی کی فی تولہ قیمت کوئی ردو بدل نہیں ہوا، فی تولہ چاندی کی قیمت 2950 روپے کی سطح پر برقرار ہے۔
عالمی مارکیٹ میں سونے کے فی اونس نرخوں میں 5 ڈالر کی کمی ہوئی ہے جس سے فی اونس سونا 2498 ڈالر کی سطح پر آگیا ہے۔
پاکستان
پاکستان میں دہشتگردی کیلئے افغان سرزمین کا استعمال، ناقابل تردید ثبوت منظر عام پر
خارجی روح اللہ نے اپنی ویڈیو میں خود اعتراف کیا ہے کہ اس نے خود بھی دس روز تک خودکش بمبار بننے کی تربیت حاصل کی ہے
![پاکستان میں دہشتگردی کیلئے افغان سرزمین کا استعمال، ناقابل تردید ثبوت منظر عام پر](/media/117008/conversions/Terroriest-1280x720.jpg)
اسلام آباد:پاکستان میں دہشت گردی کے لیے افغان سرزمین کے استعمال سے متعلق مزید ناقابل تردید شواہد ایک بار پھر منظر عام پر آگئے ہیں۔
افغان عبوری حکومت کی جانب سے خارجی دہشت گردوں کی پشت پناہی سے عالمی اور بالخصوص خطے کے امن کو شدید خطرات لاحق ہیں۔
افغان عبوری حکومت کے اقتدار میں آنے کے بعد سے افغان سرزمین عالمی دہشت گردوں کی آماجگاہ بن گئی ہے۔ پاکستان میں دہشت گردی کے واقعات کی جڑیں افغانستان میں ملتی ہیں۔ افغان حکومت کو بارہا اس مسئلے سے آگاہ کیا جا چکا ہے۔
حالیہ طور پر خارجی خود کش بمبار روح اللہ کی ویڈیو سامنے آنے کے بعد افغانستان میں موجود خوارج کی پشت پناہی کے ناقابل تردید شواہد ملے ہیں۔
خارجی روح اللہ نے اپنی ویڈیو میں خود اعتراف کیا ہے کہ اس نے خود بھی دس روز تک خودکش بمبار بننے کی تربیت حاصل کی ہے۔
اس نے مزید بتایا کہ صبغت اللہ، فاروق اور ذاکر نامی افراد خودکش حملوں کی تربیت دیتے ہیں۔ امان اللہ نامی شخص نے اسے بارڈر پار کرایا جہاں سجاد نامی شخص نے سلیمان سے ملوایا۔ سلیمان نے اسے ایک ٹرک پر سوار کیا، لیکن اسے سکیورٹی فورسز نے گرفتار کر لیا۔
-
پاکستان 2 دن پہلے
ماہر معاشیات ڈاکٹر قیصر بنگالی مستعفی ہو گئے
-
دنیا 5 گھنٹے پہلے
شکاگو :ریلوے اسٹیشن پر نامعلوم حملہ آور کی فائرنگ، 4 مسافرہلاک
-
دنیا 18 گھنٹے پہلے
پاکستان کی بھارت کو شنگھائی تعاون تنظیم اجلاس میں شرکت کیلئے دعوت
-
تجارت 2 دن پہلے
پیٹرولیم مصنوعات کی قیمتوں میں کمی کا اعلان
-
تفریح 2 دن پہلے
معروف امریکی گلوکار لائیو پرفارمنس کے دوران دل کا دورہ پڑنے سے انتقال کر گئے
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف
-
دنیا 21 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
پاکستان 5 گھنٹے پہلے
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا