ایران کی اردن میں فوجی اڈوں پر حملے سے متعلق امریکی اور برطانوی الزامات کی تردید

ایران نے امریکی اور برطانوی الزامات کی تردید کی ہے کہ اس نے اردن میں ڈرون حملے میں ملوث مزاحمت کار گروپوں کی حمایت کی ہے۔

غیر ملکی خبر رساں ایجنسی کے مطابق ایرانی وزارت خارجہ کے ترجمان ناصر کنعانی نے کہا ہے کہ یہ دعوے مخصوص سیاسی اہداف کے ساتھ خطے کے حقائق کو پلٹنے کے لیے کئے گئے ہیں۔ ایران ان دعوؤں کو بے بنیاد سمجھتا ہے۔

انہوں نے مزید کہا کہ کہ شام اور عراق پر امریکی حملوں کے ساتھ ساتھ غزہ میں جنگ جاری رہنے سے خطے میں عدم استحکام کا سلسلہ مزید تیز ہو جائے گا۔ابھی تک اس حملے کی ذمہ داری کسی نے قبول نہیں کی ہے۔

واضح رہے کہ اردن میں فوجی اڈے پر حملے میں 3امریکی فوجی ہلاک ہوگئے تھے جس پر امریکی صدر جو بائیڈن نے اتوار کو جاری بیان میں کہا تھا کہ شام اور عراق میں سرگرم ایران کے حمایت یافتہ مزاحمت کار گروپ اردن کے شمال مشرق میں سرحدی فوجی مرکز پر حملے کے پیچھے ہیں۔