اسٹیٹ بینک کی جانب سے آئندہ دو ماہ کے لئے شرح سود کا اعلان

اسٹیٹ بینک آف پاکستان کی جانب سے آئندہ دو ماہ کے لئے شرح سود کا اعلان کر دیا گیا۔

گورنر سٹیٹ بینک جمیل احمد نے کہا ہے کہ معاشی اعدادوشمار کا جائزہ لیتے ہوئے شرح سود22فیصد پربرقرار رکھنے کافیصلہ کیا ہے۔ پاکستان کا کرنٹ اکاؤنٹ خسارہ کمی کے بعد 0.7 فیصد پر آگیا جبکہ کرنٹ اکاونٹ خسارہ2022 میں 17ارب ڈالر تھا، اس وقت زرمبادلہ ذخائر8.3 ارب ڈالر ہوگئے ہیں، اس کے علاوہ ایکسٹرنل اکاونٹ کی صورتحال بہتر ہوئی ہے۔

جمیل احمد نے مزید کہا کہ پچھلے6 ماہ میں ہمارے ریزرو بڑھ گئے ہیں، تمام قسم کی ادائیگی کے باوجود ہمارے ذخائر 4 ملین اضافے سے 8 ارب ڈالر ہیں۔ مئی 2023 میں مہنگائی کی شرح بلند ترین سطح پر تھی ، اب آہستہ آہستہ کمی آنا شروع ہوئی ہے، ملک میں مہنگائی کی شرح 29 فیصد ہے،

گورنر اسٹیٹ بینک نے کہا کہ مارچ کے بعد سے قوی امید ہے مہنگائی کی شرح میں مزید کمی آئے گی، اور سال 2024 کے اختتام تک مہنگائی کی شرح 23 سے 25 فیصد رہے گی۔

انہوں نے مزید بتایا کہ پہلے ہم نے20 سے 22 فیصد مہنگائی کا تخمینہ لگایا تھا ، انڈسٹری کی پیداواری صلاحیت میں اب بہتری ہورہی ہے ، انڈسٹری کی جانب سے معاشی سرگرمیوں کو مثبت لیا ہے ، رواں مالی سال معاشی نمو 2سے 3 فیصد تک رہنے کی توقع ہے ۔