پی ٹی آئی کے خلاف ظلم، زیادتی اور بربریت کا ماحول آج تک جاری ہے، شعیب شاہین

پاکستان تحریک انصاف کے رہنما شعیب شاہین کا کہنا ہے کہ جو ظلم، زیادتی اور بربریت کا ماحول قائم کیا گیا وہ آج تک جاری ساری ہے۔ چیف جسٹس آف پاکستان ہماری شکایات کا نوٹس لیں، نقصان ہوا تو ذمہ دار سپریم کورٹ بھی ہوگی۔۔

پی ٹی آئی رہنما عامر مغل کے ہمراہ مشترکہ پریس کانفرنس کرنے والے شعیب شاہین کا کہنا تھا کہ گزشتہ دوسال سےپی ٹی آئی کےخلاف بدترین فسطائیت کادورچل رہا ہے، میرا حلقہ این اے 47 مقتدر حلقوں کے درمیان آتا ہے۔ جہاں سپریم کورٹ بھی ہے الیکشن کمیشن بھی ہے اور اسلام آباد ہائی کورٹ کے علاوہ دوسرے اہم ادارے بھی ہیں۔

آئی جی اسلام آبادہوش کے ناخن لیں!!! تاریخ سے سبق سیکھیں،ترجمان پی ٹی آئی نے بڑی وارننگ دیدی!#BREAKINGNEWS #GNN_Updates #GNN pic.twitter.com/th13UkAJfF

— GNN (@gnnhdofficial) January 29, 2024

انہوں نے کہا کہ ہمارے لوگوں پر اغواء برائے بیان کا سلسلہ آج تک جاری ہے ہمارے لوگوں کو اٹھایا گیا، تشدد کیا اور پارٹیاں تبدیل کروائی گئیں اور کنگز پارٹیاں بھی بنائی گئیں۔جب دیکھا گیا کہ پی ٹی آئی کی مقبولیت میں دن بہ دن اضافہ ہو رہا ہے تو کاغذات نامزدگی جمع کرانے سے روکا گیا جس کو ساری دنیا نے دیکھا۔ الیکشن کے دوران رکاوٹیں پیدا کی جارہی ہیں۔ پہلے ہم سے بلے کا نشان چھینا گیا۔ سپریم کورٹ نے لیول پلینگ فیلڈ کا حکم دیا لیکن الیکشن کمیشن نے ہمارے تحفظات پر کان نہیں دھرے۔

شعیب شاہین کا کہنا تھا کہ پولیس اہل کار پبلک سرونٹ یعنی ہمارے عوامی ملازم ہیں، پولیس والے بونے سیاست دانوں کے ہاتھوں کٹھ پتلی نہ بنیں چیف جسٹس آف پاکستان ہماری شکایات کا نوٹس لیں، تاریخ کی بدترین دھاندلی پوری دنیا دیکھ رہی ہے۔