امریکا کا ڈرون حملے میں ہلاک ہونے والے 3 فوجیوں کا بدلہ لینے کا اعلان

 واشنگٹن: امریکی  صدر جو بائیڈن نے شام کے نزدیک  ڈرون حملے میں ہلاک ہونے والے تین امریکی فوجیوں کا بدلہ لینے کا اعلان کر دیا ہے ۔

امریکی صدر جو بائیڈن نے ایک تقریب سے خطاب کرتے ہوئے کہا کہ مشرق وسطیٰ میں گزشتہ رات امریکا کے لیے بہت آزمائش کن رہی ہے ۔  ہمارے 3 بہادر فوجیوں کو مارا گیا ہے ، انہوں نے کہا کہ  تینوں امریکی فوجیوں کی ہلاکت کا بدلہ لیا جائے گا۔

امریکی صدر کا مزید کہنا تھا کہ امریکی فوجیوں پر ڈرون حملے کے ذمہ داروں کے خلاف کارروائی اپنے منتخب کیے گئے وقت اور انداز سے کریں گے۔ امریکی فورسز پر حملوں کو برداشت نہیں کیا جائے گا اور اس طرح کے واقعات روکنے کے لیے تمام ضروری اقدامات کریں گے۔

شام کی سرحد کے قریب ڈرون حملے میں 3 امریکی فوجی مارے گئے تھے جبکہ 8 زخمی ہوئے تھے۔ حماس کے رہنما کا کہنا تھا کہ 3 فوجیوں کی ہلاکت امریکا کے لیے پیغام ہے۔