8 فروری کو انتخابات ملتوی ہو نے سے متعلق تمام افواہیں دم توڑ جا ئیں گی ، انوار الحق کا کڑ

نگران وزیراعظم انوارالحق کاکڑ نے کہا کہ حکومت اگلے مہینے کی آٹھ تاریخ کو آزادانہ اورمنصفانہ انتخابات کرانے کیلئے پرعزم ہے۔

ایک نجی ٹی وی چینل کوانٹرویو میں انہوں نے کہا کہ امیدوار انتخابی مہم چلارہے ہیں اور تمام افواہیں آٹھ فروری کی شام دم توڑ جائیں گی۔

انتخابات سے پہلے اور بعد میں دھاندلی کی معمول کی شکایات کے متعلق وزیراعظم نے کہاکہ ماضی سے سبق سیکھتے ہوئے پارلیمنٹ کو قوانین میں تمام نقائص دور کرنے چاہئیں۔

انہوں نے کہاکہ مبصرین نگرانی کریںگے اور مقامی اور بین الاقوامی ذرائع ابلاغ رپورٹنگ کریںگے۔انوارالحق کاکڑ نے کہاکہ سیاسی جماعتوں کے نوکریوں، گھروں، سستی بجلی ، خوراک سمیت تمام انتخابی وعدوں کا براہ راست تعلق مستحکم معیشت سے ہے ۔

انور الحق کا کڑ نے کہا کہ غیرقانونی غیرملکیوں کی واپسی کے بارے  پاکستان نے صرف ان افراد کو نکالا ہے جن کا کوئی ریکارڈ یا شناخت نہیں تھا اور ایسے افراد مستند پاسپورٹ اور ویزا کے حصول کے بعد پاکستان واپس آسکتے ہیں۔

انہوں نے کہاکہ سیاسی جماعتوں کو محاصل اور ٹیکسوں کا دائرہ کار وسیع کرنے کے منصوبے پیش کرنے چاہئیں۔وزیراعظم نے کہاکہ زیادہ ٹیکس وصولیوں سے حکومت عوام کو جوابدہ ہوگی۔