توشہ خانہ، تحریک انصاف کا احتساب عدالت کا فیصلہ چیلنج کرنے کا اعلان

تحریک انصاف کے رہنما بیرسٹر گوہر نے کہا کہ کسی کورٹ نے کبھی ایسی کوئی ججمنٹ نہیں دی جو آج دی گئی، ہمیں مایوسی ضرور ہوئی ہے لیکن اعلی عدلیہ پر یقین ہے۔ ایک لیڈر کو خوش کرنے کیلئے سزائیں دی جا رہی ہیں۔

بیرسٹر گوہر نے کہا کہ 342 کے بیان میں کہا گیا کہ ہم گواہ پیش کرنا چاہتے ہیں، وکیل کے ہوتے ہوئے جرح کی اجازت نہیں دی گئی، بشریٰ بی بی کا تو توشہ خانہ سے کوئی تعلق نہیں۔ عدلیہ کو سیاسی انتقام لینے کےلئے استعمال کیا جا رہا ہے۔

توشہ خانہ ریفرنس میں پی ٹی آئی کے سابق چیئرمین اور ان کی اہلیہ کو سزا سنائے جانے پر ردعمل دیتے ہوئے بیرسٹر گوہر نے کہا کہ نیب ایک پارٹی کو چھوڑ کر دوسری کیخلاف کارروائیاں کررہا ہے۔

ان کا کہنا تھا کہ ہمیں حق دفاع نہیں دیا گیا،342کابیان لکھنے کی اجازت نہیں ملی،ایک لیڈر کو خوش کرنے کے لیے سزائیں دی جارہی ہیں۔ وکیل کے ہوتے ہوئے بھی جرح کرنے کی اجازت نہیں دی گئی،انہوں نے کہا کہ یہ یہ کیسز عدالت میں جائیں گے تو اڑ جائیں گے۔