بلاول بھٹوپاکستان کے وزیراعظم بن کر عام آدمی کی آواز بنیں گے، آصفہ بھٹو زرداری

پاکستان پیپلز پارٹی کی رہنما اور بلاول بھٹو زرداری کی ہمشیرہ آصفہ بھٹو کا کہنا ہے کہ محترمہ بینظیر بھٹو خواتین کے حقوق اور خودمختاری کیلئے لڑی تھیں۔ میں بینظیر کی بیٹی ہوں اور بینظیر غریب کی آوازتھیں، اب میں اور بلاول آپ کی آوازبنیں گے۔

سانگھڑ میں انتخابی ریلی نے خطاب کرتے ہوئے آصفہ بھٹو نے کہا کہ محترمہ بینظیر بھٹو خواتین کے حقوق اور خودمختاری کیلئے لڑی تھیں۔ میں بینظیر کی بیٹی ہوں اور بینظیر غریب کی آوازتھیں، اب میں اور بلاول آپ کی آوازبنیں گے۔ہم لوگوں کے دکھ سکھ میں ساتھ کھڑے رہیں گے۔

آصفہ بھٹو زرداری کا کہنا تھا کہ شہید بے نظیر بھٹو نے خواتین کیلئے بھرپور کام کیا، دوسری جماعتیں امیروں کو مزید امیر اور غریبوں کو مزید غریب کر رہی ہیں، ہم نے غریب اور بزرگوں کا ساتھ دیا۔ بلاول بھٹو عوام کیلئے کام کریں گے اور لڑیں گے۔

 انہوں نے کہا کہ ہم مل کر پاکستان کی تقدیر بدلیں گے اور لوگوں کے دکھ اور سکھ میں ساتھ کھڑے رہیں گے، بلاول بھٹو انشاءاللہ پاکستان کے وزیراعظم بنیں گے اور عام آدمی کی آواز بنیں گے۔