غیر شرعی نکاح کیس: بانی پی ٹی آئی اور بشریٰ بی بی کو 7، 7 سال قید کی سزا

تفصیلات کے مطابق بانی پی ٹی آئی اور بشری بی بی کے خلاف دورانِ عدت نکاح کیس کا محفوظ فیصلہ سناتے ہوئےعدالت نے بانی پی ٹی آئی اوربشری بی بی کوسات، سات سال قید کی سزا سنادی۔ جوڈیشل مجسٹریٹ قدرت اللہ نے اڈیالہ جیل میں غیرشرعی نکاح کیس کا محفوظ فیصلہ سنا دیا۔ 

جج قدرت اللہ نے مختصرفیصلہ سناتے ہوئے دونوں کو پانچ، پانچ لاکھ روپے کے جرمانے کا بھی حکم دیا ، سینیئرسول جج نے تین بج کرچالیس منٹ پر فیصلہ سنایا۔ بشری بی بی اور بانی پی ٹی آئی اس موقع پرموجود تھے۔

یاد رہے کہ گذشتہ روزاڈیالہ جیل میں  بانی پی ٹی آئی اور بشری بی بی کے خلاف دورانِ عدت نکاح کیس کا فیصلہ محفوظ کیا گیا تھا۔