مریم نفیس کی شادی کی تقریب، صرف 90 لوگوں نے شرکت کی

اداکارہ مریم نفیس کا کہنا تھا کہ ہم لوگ چاہتے تھے کہ ہماری شادی سادگی سے ہو، اس لئے زیادہ تقریبات نہیں رکھیں، ہمارا نکاح فیصل مسجد میں ہوا، نکاح نامے پر دستخط کرتے وقت میں بہت روئی اور سب مجھے دیکھ کر پریشان بھی ہوگئے۔

فوکشیا میگزین کو انٹرویو میں مریم نے بتایا کہ ان کی شادی میں ٹوٹل 90 لوگوں نے شرکت کی، نکاح کے بعد اسلام آباد میں کھانا ہوا اور پھر سب باراتیوں سمیت دولہا دلہن سوات گئے جہاں مکمل شادی ہوئی، دو دن بعد سب واپس آگئے، سوات میں شادی کرنا ان کے شوہر کی خواہش تھی۔

ٹیلی ویژن کی معروف اداکارہ مریم نفیس نے شادی پر ملنے والے حق مہر سے متعلق بات کرتے ہوئے کہا کہ میں حق مہر نہیں لینا چاہتی تھی شوہر کی خواہش پر صرف 2200 روپے حق مہر رکھوایا۔