دنیا بھارت کی کشمیر میں دہشت گردی پر بھارت پر پابندیاں لگائے ، مشعال ملک

انسانی حقوق اور خواتین کے حقوق کی وزیر اور  وزیراعظم کی معاونِ خصوصی مشعال حسین ملک نے مقبوضہ جموں و کشمیر میں بھارت کے ریاستی دہشت گردی میں مسلسل ملوث ہونے پر بین الاقوامی تنظیموں سے بھارت پر معاشی اور دفاعی پابندیاں لگانے کا مطالبہ کیا ہے۔

مشعال ملک نے کہا کہ  امریکہ اور کینیڈا جیسے طاقتور ممالک نے بھی تسلیم کر لیا ہے کہ بھارت معصوم لوگوں کو نشانہ بنا رہا ہے۔

معاونِ خصوصی مشعال ملک  نے کہا کہ یہ اقوام متحدہ کی ذمہ داری ہے کہ وہ اپنی قراردادوں کے تحت کشمیری عوام کو ان کا ناقابل تنسیخ حق خودارادیت دلانے میں اپنا کردار ادا کرے ۔ 

انہوں نے کہا کہ آبادی کا تناسب تبدیل کرنے کی مودی حکومت کی پالیسی کے تحت ہندوتوا اور آر ایس ایس کے حامیوں کو ڈومیسائل جاری کئے جا رہے ہیں جو بین الاقوامی قوانین کی کھلم کھلا خلاف ورزی ہے۔