نواز شریف نے عوام کی تکالیف کی خاطر اپنے فیصلے بدلے ،مریم نواز

مری: مسلم لیگ (ن) کی چیف آرگنائزر مریم  نوازشریف  نے کہا ہے کہ حکمران اللہ تعالیٰ اور عوام کو جواب دہ ہیں، اس الیکشن میں مری والے اس حکمران سے جواب مانگیں کہ جب لوگ یہاں مر رہے تھے کہ وہ کہاں تھا؟

مریم نوازشریف  نے عوام سے پوچھا کہ جب نواز شریف آتے ہیں تو مزدوروں کا گھر کا چولہا جلتا ہے، لوگوں کو روزگار ملتا ہے، الیکشن میں چند دن رہ گئے ہیں، بزرگ نوجوانوں سے اپیل ہے کہ ووٹ کی پرچی کوئی کاغذ کا ٹکڑا نہیں اسے سوچ سمجھ کر دیں یہ ملک کی ترقی اور آپ کی آئندہ آنے والی نسلوں کا فیصلہ ہے، اگر آپ مری کے مسائل اور لوگوں کے مسائل، روزگار، تعلیم اور صحت کے مسائل حل کرنا چاہتے ہیں تو پھر شیر پر مہر لگائیں۔

مری مریم نواز کا دل ہے!برفباری میں اتنا بڑا جلسہ نا دیکھا ناسنا !
میری بیٹی کی جب طبیعت خراب ہوئی تو کیا فیصلہ کیا؟
مریم نواز کی جذباتی تقریر!#MaryamNawaz #GNN #Elections2024 #GNNUpdates pic.twitter.com/zl2FsAwsnI

— GNN (@gnnhdofficial) February 5, 2024

مری میں جلسہ عام سے خطاب کرتے ہوئے مریم نواز نے کہا کہ نواز شریف کو کبھی گھر بیٹھے نہیں دیکھا نواز شریف عوام کی تکلیف کی خاطر اپنے فیصلے بدل لیتے ہیں وہ آج موسم کی خرابی کے سبب بائی روڈ پہنچے کیوں کہ حکمران اللہ تعالیٰ اور عوام کو جواب دہ ہیں، اس الیکشن میں مری والے اس حکمران سے جواب مانگیں کہ جب لوگ یہاں مر رہے تھے کہ وہ کہاں تھا؟

انہوں نے کہا کہ نواز شریف ملک کے وزیر اعظم رہے انہوں  نے جب بھی زندگی میں کوئی فیصلہ کیا وہ ملک کےوسیع تر مفاد میں ہی کیا انہوں نے کہا کہ میں نے نواز شریف کو کبھی بھی اپنی ذات کیلئے فیصلہ کرتے ہوئے نہیں دیکھا ۔