ملک میں جمہوریت کے استحکام کیلئے نوجوانوں کی شمولیت ناگزیر ہے، نگران وزیراعظم

نگران وزیراعظم انوارالحق کاکڑ نے کہا ہے کہ سیاسی جماعتوں کو ملک میں عوامی مقبولیت کے حصول کے لئے اپنی کارکردگی میں بہتری لانی چاہیے۔

ایک پوڈکاسٹ کے دوران اظہارخیال کرتے ہوئے انہوں نے کہاکہ سیاسی جماعتوں کو جمہوریت پسند ہونا چاہیے اور ان کی قیادت کا چناؤ بھی جمہوری انداز میں ہونا چاہیے تاکہ ملک میں جمہوریت کومستحکم کیا جاسکے۔

انہوں نے کہا کہ نوجوانوں کو ملک میں جمہوری اقدار کے استحکام کے لئے اپنی توانائیاں بروئے کارلاتے ہوئے سیاسی نظام میں حصہ لینا چاہیے۔

انوارالحق کاکڑ نے بیرون ملک سے ترسیلات زرکے ذریعے ملک کی اقتصادی ترقی میں سمندر پار پاکستانیوں کے کردار کو سراہا۔