بانی پی ٹی آئی جیل میں کیا کھاتے ہیں؟ کونسی سہولیات میسر ہیں،رپورٹ سپریم کورٹ میں جمع

راولپنڈی : پاکستان تحریک انصاف (پی ٹی آئی ) کے بانی چئیرمین عمران خان اڈیالہ جیل میں کیاکھاتے ہیں؟ اورانہیں کون کونسی سہولیات حاصل ہیں؟اس حوالے سے تفصیلات سامنے آگئیں۔

جیل سپرنٹنڈنٹ کی جمع کرائی گئی رپورٹ کے مطابق بانی پی ٹی آئی اڈیالہ جیل میں 7 سیلزپرمشتمل کمپاؤنڈمیں رہتے ہیں نہ صرف سیل کے سامنے 57 فٹ لمبی 14 فٹ چوڑی راہدری ہے  بلکہ کمپاؤنڈسے ملحقہ پینتیس بائے سینتس کالان بھی ہے  جہاں بانی پی ٹی آئی لان میں بیٹھ کر مزے سے کتابیں اور اخبارات پڑھتے ہیں اور دھوپ کوانجواکرتے ہیں۔

رپورٹس کے مطابق 30 سے35 قیدیوں کو رکھنے والے کمپاؤنڈ میں بانی پی ٹی آئی اکیلئے ہی مزے کرتے ہیں  اورتواورانہیں ورزش کیلئے سائیکلنگ مشین اور دیگر جم کا سامان فراہم کیا گیا ہے۔

رپورٹ میں مزید بتایا گیا ہے کہ کھجور ، اخروٹ ، شہید، کافی دلیہ ، لسی ، گرم دودھ ، چیا سیڈز، یہ سب کچھ بانی پی ٹی آئی کوناشتے میں ملتاہے،مسمی اور انار کا جوس اس کے علاوہ ہے، بانی کادوپہرکاکھانااوربھی زبردست ہےجس میں دیسی مرغی ، مٹن ، سلاد ، اچار مکس ، آلو چپس ، انڈہ فرائی، مکس دال جوعام قید ی سوچ بھی نہیں سکتا وہ وی آئی پی قیدی میں کوملتاہے۔ 

اسی طرح  رات کے کھانے میں بانی پی ٹی آئی کی بادام ، کشمکش ، ناریل پاؤڈر ، دودھ ، کھجور ،کیلا ، سیب کے شیک سے تواضع کی جاتی ہے۔  

رپورٹ میں مؤقف اختیار کیا گیا ہے کہ بانی پی ٹی آئی کو صبح سے لے کر شام تک قدرتی روشنی اور تازہ ہوا کی رسائی دی جاتی ہے جبکہ انہیں جیل میں تمام بنیادی اور اضافی سہولیات فراہم کی جا رہی ہیں۔