کئی روز کے اضافے کے بعد سوناہزاروں روپے سستا، فی تولہ کتنے کا ہو گیا؟

کراچی:کاروباری ہفتے کے پہلے روز عالمی ومقامی مارکیٹوں میں سونے اور چاندی کی قیمتوں میں کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز مقامی مارکیٹ میں فی تولہ سونے کی قیمت میں 3ہزار 200روپے کی کمی ریکارڈ ہوئی ہے جس کے بعد 24 گرام سونے کی نئی قیمت کم ہو کر  5لاکھ 23ہزار 762روپے کی سطح پر آگئی۔

ایسوسی ایشن کے مطابق اسی طرح فی دس گرام سونے کی قیمت 2 ہزار 743روپے گھٹ کر 4لاکھ 49ہزار 041روپے کی سطح پر آگئی۔ 

علاوہ ازاں فی تولہ چاندی کی قیمت 55روپے کی کمی سے 8ہزار 164روپے کی سطح پر آگئی، فی دس گرام چاندی کی قیمت بھی 47روپے کی کمی سے 6ہزار 999روپے کی سطح پر آگئی۔

دوسری جانب عالمی بلین مارکیٹ میں فی اونس سونے کی قیمت 32ڈالر کی کمی سے 4ہزار 010ڈالر کی سطح پر آگئی۔