پاکستان کے سابق کرکٹرز کا بھی عام انتخابات میں حق رائے دہی کا استعمال

پاکستان کرکٹ ٹیم کے کرکٹرز اور سابق کرکٹرز نے بھی عام انتخابات میں حق رائے دہی کا استعمال کرتے ہوئے ووٹ کاسٹ کیا۔

ملک بھر میں جاری 2024 کے عام انتخابات میں جہاں شہریوں نے ووٹنگ کے لیے پولنگ اسٹیشنز کا رخ کیا، وہیں سابق کرکٹرز نے بھی ووٹ ڈالا۔ پاکستان کرکٹ ٹیم کے سابق کپتان محمد حفیظ، شاہد آفریدی سمیت دیگر نے ووٹ کاسٹ کیا۔

#vote for better Pakistan ??. #Elecciones2024 pic.twitter.com/ne1O5mb2yP

— Mohammad Hafeez (@MHafeez22) February 8, 2024

سماجی رابطے کی ویب سائٹ ایکس پر محمد حفیظ نے تصویر شیئر کرتے ہوئے لکھا کہ ‘پاکستان کی بہتری کے لیے’ ووٹ کاسٹ کردیا ہے۔

قومی ٹیم کے سابق کپتان شاہد آفریدی نے بھی اپنے ووٹ کاسٹ کرنے کی تصویر ایکس پر شیئر کی۔ انہوں نےاین اے 236 کراچی میں ووٹ اپنا کاسٹ کیا۔

سابق کرکٹر عمر گل نے بھی ووٹ کاسٹ کرنے کے بعد تصویر شیئر کرتے ہوئے لکھا کہ ’بہتر پاکستان اور مستقبل کے لیے میں نے ووٹ کاسٹ کردیا ہے، آپ سب سے درخواست ہے کہ اپنی فیملی اور دوستوں کے ساتھ گھر سے باہر نکلیں اور اپنا ووٹ ڈالیں‘۔